不加息炒科技股
週四美股顯著造好，杜指基本上由頭升到尾，但去到26000點關前無功而回，兩次微穿26000點都守不住，收市報25962點，全日升216點，升幅0.8%；標普500指數升1.1%，納指繼續跑贏大市，升1.4%。
聯儲局昨日在議息會議之後，宣布維持利率不變，但下調美國今年的GDP和通脹預期，又表示預計今年內都不會加息。不加息雖然對股市有利，但正如KKM Financial的行政總裁Jeff Kilburg所講的，聯儲局對經濟前景的悲觀看法，令到全球的投資者都很痛苦。事實上，對經濟前景看淡，其實有跡可尋，就在聯儲局開會前不久的時間，包括FedEx、BMW和UBS等不同行業的國際大企業，早前已發出不少對經濟前景的負面評語，例如FedEx的財務總監Alan Graf上週就表示，「國際宏觀經濟和環球貿易增長放慢的狀況仍在繼續。」，另外，BMW表示，今年將會尋求削減136億美元的成本，而UBS更表示今年首季可能是其中一個最經濟差勁的季度。
美國近期的經濟數據亦叫人失望，最新的花旗經濟意外指數（The Citi Economic Surprise Index）觸及2017年8月以來最低水平。這個指數出現負數指多項經濟指標表現都差過經濟學家的預期。不過，Allianz Investment Management的高級投資策略師Charlie Ripley依然認為，相對於全球其他經濟體，美國經濟還是較為穩健，他認為聯儲局現正採取一個靜觀其變的態度，相信要等到美國經濟增長出現實質性的惡化或者市場受到極大的外來震動，聯儲局才會完全終止目前的加息循環。
美國加息週期暫停，甚至可能結束。美國國債收益率持續下跌，長短期利差收窄，當殃的自然靠食息為生的銀行，美股昨日幾近全線上升，就係金融股無份。標普500指數金融板塊昨日第三日向下，再跌0.3%，其中摩根大通跌1.6%，係表現最差的杜指成份股；而科技板塊一枝獨秀，大漲2.5%，成為推升大市的主要動力。而帶動科技股大漲的火車頭是蘋果公司，蘋果受到券商Needham唱好，Needham 的分析師Laura Martin表示，蘋果除了即將發佈市場期待已久的AirPower無線充電板以外，本星期發佈新iPad Air, iPad Mini和AirPods等新產品，3月25日亦將推出串流電視服務，由於iPad及iPhones用戶起碼在初期可以免費收看，預計可以吸引到全球9億個蘋果產品用家。Laura Martin相信蘋果無論在服務和產品和周邊配件方面都會有好銷路。又稱，據Needham今年首季做的調查所得，無論華爾街是否相信蘋果是一家「生態系統」企業（即相互連結，共同創造價值與分享價值的企業），最少蘋果用家是這樣認為的。她認為蘋果「估值可看高一線」，上調蘋果評級至「強烈買入」，目標價由180美元大幅上調至225美元，蘋果昨日升3.7%，收188.16美元，自去年11月以來首次重上200天移動平均線。
美國科技巨頭昨日全線造好，Facebook升0.4%，亞馬遜升1.2%，Netflix和Google母公司Alphabet升約0.6%，微軟亦升2.3%。半導體股升幅更勁，美光（Micron）昨日飆升9.6%，帶動半導體股票基金（ETF）大漲3.5%。
不加息，資金投入股市，就炒科技股了。
陸羽仁
債息死亡交叉 股市不差
2019年03月25日
上周五美股大跌，杜指急挫460點，跌幅1.8%；納指更勁跌2.5%，扭轉連續幾日升勢。
美股下跌與市場憂慮衰退有關，首先係歐洲公佈經濟數據疲弱，歐羅區3月綜合採購經理指數(PMI)，德國降至51.5，這是自2013年6月以來最低水平。製造業的採購經理指數跌至44.7，連續第三個月收縮，引發對全球增長前景擔憂。整個歐洲計，製造業跌至2013年4月以來最低水平。經濟轉差，令市場避險情緒升溫，資金轉入債市，令債價上升、債息下跌。德國10年期國債收益率跌至負數，報負0.019厘，係2016年以來最低水平，日本國債收益率跌至0.078厘；換言之，買德國和日本國債不但沒有息收，還要倒貼利息。
德國經濟前兩年復甦後，跌回一個較差水平，歐盟話想停止量寬，如今一再推遲，收水不成經濟又轉差，債息再度跌入負數領域。對經濟不行的憂慮，令歐洲股市下插，德國股市跌1.6%，英國加多一個脫歐風險，股市表現更差，大跌2.5%。不過相比起歐股，美股跌得更慘。
債息急降 美股大跌
美股除了受歐股下跌影響外，另一個更大因素是所謂美國長短期國債收益率曲線倒掛。在正常狀況下，長期國債利息應該高於短期債息。上周五美國10年期國債債息，與三個月期國債債息差額變成負數，出現一個死亡交叉，這是2007年以來首次出現。短期債息高過長期債息，不但對銀行收益有影響，還被視為投資者睇淡前景的衰退指標。銀行股受雙重打擊，既憂慮經濟不好，亦因息差問題影響收入，美國金融股全線下挫，花旗跌超過4%，摩根大通、摩根士丹利、高盛和美銀都跌超過2.9%，拖累美股急速向下。
集中看美國長債利息，會發現近期出現快速向下走勢。美國10年期國債債息去年10月見過3.26厘高位後開始下滑，在12月底跌穿2.75厘，到3月下旬連2.5厘都守唔住，上周五收報2.437厘。長債利息下滑，除了投資者憂慮美國經濟前景外，與聯儲局宣佈今年停止加息有關。美國長債利息已經跌穿2016年以來升軌，未來還有較大機會再向下，甚至下試2厘水平。
ADR插 銀行股弱
拉遠一點看，你會發現美國10年期國債債息，於2000年升上一個小高峰接近7厘後，一路反覆向下，分別在2012年7月及2016年7月跌至1.4厘低位。隨著美國接連加息，債息反覆向上，於2013年12月升至3厘，其後又再回落，於2016年7月開始反彈，至去年10月升上3.26厘，輕微突破此前高位，之後急速下滑，這次升穿上次的3厘高位，可視作一個假突破。要留意的是，在過去6年，美國10年國債債息，分別在3厘及3.26厘形成一個小雙頂，由於未能形成真正突破高位的上升軌，未來走勢睇淡。
國債債息向下走，通常意味環境不好，風險胃納下降，資金流入債市，推升債價，令債息下跌。市場開始估計，未來聯儲局會減息而不會加息，預計明年會減息兩次，每次減0.25厘。
美股杜指上周五急跌1.8%，恒指ADR亦比上周五跌493點，跌幅1.7%，與美國相若。如果經濟轉差，美國國債收益率曲線倒掛，對股市有甚麼影響呢？瑞信有報告指，負息差雖然意味經濟衰退即將來臨，但不會馬上推冧股市。瑞信的美國證券策略師Jonathan Golub在報告中表示，負息差不代表股市會差，美股在過去的50年，負息差到經濟衰退出現的時間極不一致，時間約為14至34個月。
經濟差推動貿易談判
以2005年出現負息差為例，要去到2008年才出現衰退，當中相隔24個月。在負息差出現後的18個月，美股卻升了18.4%，美股開始向下走，是負息差出現之後的30個月。簡而言之，負息差是超前指標，由出現到衰退可能要兩年以上。當負息差出現，聯儲局等機構會推出措施應對，例如放慢加息甚至減息，又將拖慢甚至終止經濟衰退到來。
分析對港股影響，美股上周五這樣急跌，港股會有即時衝擊。不過正如上面所講，如果過去50年的數據是有意思的話，未來一至兩年，美股仍可能繼續好景，特別是聯儲局不但不會加息，還會加快停止縮減資產負債表的收水，甚至會在明年開始減息應對不景氣的出現。再者，負息差預示經濟將會衰退，對美國政府會造成很大壓力，特別是總統選舉明年舉行，今年兩黨將進行初選，如何保持經濟及股市有良好勢頭，是總統特朗普能否爭取共和黨提名他做總統候選人的關鍵。
最近傳出中美貿易談判有些阻礙，當中包括特朗普不肯在簽署貿易協議後，撤銷所有對中國貨品的新增關稅，要保留新增關稅作為監察中方是否遵守協議工具，中方對此堅持反對，所以不肯在知識產權讓步。
同時有傳特朗普獅子開大口，覺得中國在幾年內，向美國增加採購一萬億美元貨品太少，要中國承諾以倍數增加採購量。在談判桌上，美國提出甚麼要求都可以，中國會否接受，又是另一回事。
股市未崩 見低可吸
如今美股大跌，可以視為華爾街給予特朗普的一個警告，如果特朗普繼續「玩嘢」，令中美談判不能在這一、兩個月內達成協議，美股便可能崩盤，美國經濟將大受影響。由於中國、日本、歐洲以至美國，都出現經濟失速狀況，如果貿易戰拖延，恐怕衰退便會加快到來。
雖然政客行為不能夠完全預測，但特朗普想連任動機非常明顯，經濟及股市狀況會對他形成壓力，逼他作出讓步，要盡快與中國達成協議。所以，美股大跌與長短期國債出現負息差，短期雖然會推低股市，中期而言卻並非壞事，反而是達成中美貿易協議的催化劑。
所以，出現經濟衰退信號，以至美股大跌，不是一面倒的壞事，反而暗藏利好因素。如果說市場已一定程度反映中美可能達成貿易協議的利好因素，未來各國再走向寬鬆貨幣政策，市場就未充份反映。目前不像是股市大崩盤開始，債息續跌令資金成本便宜，反而是催化股市投資重大因素。我覺得如果股市跌多幾日，有較深調整，反而是入市儲貨的好機會。
陸羽仁
唔會, 都唔係加色周期 .....
香港今次加息週期...
會唔會破咗有史以來加得最少嘅紀錄???
2028...
SIGH...
RE
//
唔買貴嘢
2017/07/25 09:28:51 網誌分類: 經濟
25Jul
外圍股市變化不大，杜指跌66點，趁住市靜少少，我又無咁忙，答一答問題。
近日經常有人貼我在2012年的舊文，質疑我在當年話樓貴，他們問我兩個問題，1. 點解「股平樓貴難永續」(當日文章的題)? 2. 2012年樓市是高還是低？
簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升，兩者不會出現這麼大的差價，差價終將拉近。邏輯上之後會出現三種可能，第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。
如今暫時接近第二種情況，2012年樓價，以中原城市領先指數計，當年年中上升到110，比97年高位還要高。但當日恒生地產分類指數只有25000點左右。到今天中原指數升到159，地產分類指數升到36326點，中原指數升咗44.5%，地產指數升了45.3%，兩者升幅相當接近。
唔買樓買地產股一樣升。你可以駁我買樓有槓桿，買股唔借錢無槓桿，呢樣確實係。你又可以駁我細價樓升幅比大價樓多，中原指數不完全反映現實。呢樣亦係，不過若你咁唔好彩走去買豪宅，或者新樓貴貴單位，而家比2012年跌了要蝕讓的大有樓在。
我當日想講兩個觀點，第一是2012年樓價是高(這是第二個問題的答案，今天仍然覺得如此，不是今天更高，當日便不是高，樓價高低從租金收益率可以看到)。第二是有其他替代投資。
第一點針對「自住的我」，第二點針對「投資的我」。先講第二點「投資的我」，這個世界有很多投資目標，不買本地港島樓去投資其他東西，可以買股票，也可以買其他地方的樓，如大陸樓，這就是所謂替代投資。最笨的如買我經常講的越秀房地產(405)，每年派7厘息，2012年中3.6元，如今5元，賺價39%，加埋每年7%息，夾埋5年有70%以上回報，唔係好失禮。
其餘如2008年、2009年我都幾經常講在大陸買樓，在2008年廣州市區天河樓1000元人仔一呎，即使到2012年也是1200、1300元人仔一呎，如今是5000元一呎，當然亦唔係咁多人買咗，我唔好講咁多，費事俾人媽我。不過對唔住，我自己過去幾年無在香港買樓，不過在大陸在倫敦買了樓，回報也不俗。所以覺得香港呢度樓貴，唔買有乜咁出奇。
講番第一點針對「自住的我」，雖然我當日主要針對投資者，無叫人自住唔好買，我對自住用家買樓的問題都通常答案是「量力而為」，但如果你當日追問我，我會認為自住其實亦都唔太建議買。原因好簡單，我當日已覺得樓價貴，若財力唔夠夾硬去買，咁就咪制啦。
我的心只想叫大家「控制風險」，自住樓也是長線投資，咁貴買風險幾高(今天係好高，明天可以係極高)。我見過1997年、2003年樓價大跌，好多人買了樓輸身家的慘況，有人被銀行斬倉，有人收入高頂得順，也供了20年貴樓，到今天才剛剛供完，20年收入主要拿了去供樓，特別是下跌之初頭5年，供貴樓搞到自怨自艾，搞到家嘈屋閉。所以我就扮晒巴菲特，叫大家不一定要買貴嘢。我年紀大啲，乜都見過，難免保守。
講多兩句巴菲特，佢投資的基本點是不買貴嘢。但不冒風險不買貴嘢，貴嘢繼續升，提建議者會俾人鬧。巴菲特係芬佬，佢話試過唔買貴嘢，佢的巴郡表現跑輸大市，俾客戶日日鬧，又要沽佢隻股贖回投資，佢壓力好大，搞到電話都唔敢聽，捱幾年先至捱得過。
都係唔好扮晒股神，我同巴菲特唔同，佢叻啲，我蠢啲。但佢搞基金怕客戶沽貨，我只係在免費網站吹吓水，無咁大壓力。我呢啲投資建議，你覺得啱睇可以睇，覺得唔啱睇可以咪睇，兩不相欠，相當自由。
//
2012年樓市是高還是低？
2028...
SIGH...
唯一取勝法, 及早(比享C兄早)離去 .....
亨仁兄，好久不見了，月供股票不是在進行中嗎？何時停了下來？…
SIGH...
尋晚唸一唸開始番月供股票，道指就跌460....
袋鼠，80年代至90年代初期，真是香港的流金歲月，令人懷念！
好，聽你話，出街走走、食嘢、買嘢、開心下。
You have a good weekend, too!
2019-03-22
Dow Jones Industrial Average (^DJI)
25,502.32 -460.19 (-1.77%)
老尾同 IG 都紅紅聲 ！
Bro TC 好耐冇鋪頭
業績一般股份只宜短炒
2019年03月22日 (09:20 上午)
股平樓貴難永續(大結局)
2028年xx月xx日 (xx:xx AM)
陸羽仁
金融High Tea——
股平樓貴難永續（下集）
2012-07-16
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。
不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。
大戶操控詮釋權
股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。
上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。
第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」
投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。
投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。
第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。
這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。
散戶買股難長獱
當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。
前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。
第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。
有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。
靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。
股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。
網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」
沽樓買股受重創
「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」
他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」
「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。
第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？
若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。
第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。
長揸平貨是正道
第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。
第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。
最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。
陸羽仁
中原城市領先指數 CCL
(所有成份屋苑)
2028...
SIGH...
一平完淡倉先黎暴跌
RE
//
將軍收唔收徒弟？
//
搵將軍做師傅嘥9氣啦...
係都搵Bro TC啦...
SIGH...
大戶兄: 投機不一定盈利 反而很大機會虧損. 現在市場只是人為的賭局而矣.....
將軍收唔收徒弟？
正常死人係出唔到聲… 唔通特朗普真係好想麥凱恩上番嚟揾佢？
准麥凱恩國葬特朗普怨多謝都無句- 東方日報
====================================
處理突發事件，可以睇到領袖才能
David Rowe, Financial Review
Kathleen，想開心應該去街，have a good weekend!
畫質低清唔緊要，呢首歌都係要有青春那種未經世故嘅稚氣、無拘無束嘅青春氣息先至唱得好聽
呢一兩年內有機會聽糖妹現場番唱，真係快快好把握機會去聽
如果唔係用廣東話唱，陪你一齊跳舞嘅就唔係『何月娣 陳步禮 吳縣濟 倪淑輝 司空敏慧 蛇共蟻 劉並蒂 神合體』
將軍：大户好淡通殺，真係神鬼都係佢
大地在我腳下 國界掌於手中
平完倉倒升 點到你唔輸服......
倒升！
門兄: 小意思. 大戶挾我唔到既......
將軍好波
kaka: 噢..季結因素. 難怪大市跌唔落. 唔.....有見地.....
666兄: 全軍離場. 汁少少....
將軍，全軍撤退嗎？…
SIGH...
將軍，受教了。同埋，三月月結、季結應該會頂住29樓收
等四月 
kaka: 大戶好似未派完貨, 始終成交咁少, 辛苦呀. 子龍大軍今日先行離場, 等4月.
將軍，月頭開put好貴，沽期或者買熊仔成本平d
kaka: put爆佢好嗎???
將軍，put到4月？大長put
門兄: 勿慌, 今日不吃肉, 吃素......
kaka: 子龍大軍想put4月 好嗎???
將軍能否放過小門的好倉底？
286止蝕
將軍，無咁快食糊？
將軍好有氣勢呀~
唔知24樓會唔會話到就到呢？
SIGH...
666兄: 294話put要put 這叫勢
將軍勁呀…
SIGH...
子龍大軍進場 大戶都要俾面......
將軍，插插插
市場真是人為的賭局 點到你唔輸服.......
咁都唔插.....咁絕......
早晨
大地在我腳下 國界掌於手中 18180話見要見
好友氣勢巳去
係淡友真入局至真