PACO名人會
PACO名人會
PACO名人會

張紋嘉唱出獨居心聲 傅珮嘉盼開騷 以《絕》會友

2019/03/25 04:12:35 網誌分類: 生活
25 Mar
         今次的兩位才女嘉賓,同我好有淵源。我曾經做過創作歌手傅珮嘉(Maggie)的經理人;而前HotCha成員張紋嘉(Crystal),我睇住她出道,她近年活躍樂壇、電視圈又拍電影,仲玩埋舞台劇,事業發展未受組合拆夥影響。希望開演唱會的Maggie坦言:「O依家志在以歌會友,上台會好淡定,無乜壓力。」而「師妹」Crystal早前推出新歌《獨立單位》,她笑言歌詞是其獨居9年的宅女生活寫照。

        創作歌手Maggie,2010年結婚隨夫移居台灣,育有一子Jasper,5年前改名傅又宣進軍當地樂壇,去年重返港樂壇,今年緊接推出新歌《靜音模式》。Maggie直言今次回歸,心態上改變了不少,淡然於樂壇的爭名逐利,為自己的音樂理想奮鬥。她說:「2019年係我入行20年,如果開演唱會,對我嚟講好珍貴。自己係創作歌手,場地要係個好有藝術feel嘅地方,同埋觀眾可以好親近,互動多些。我希望來聽演唱會嘅歌迷,感覺係跟我連接在一起,大家一齊回憶之餘,亦會帶走一啲回憶離開。」

        復出零壓力

        當然啦!Maggie的代表作《絕》,至今都好多人熟悉,她表示到o依家都好感謝寫曲詞的陳輝陽和黃偉文(Wyman),因為無他們就不會有《絕》這首歌。Maggie說:「當年生完仔,同老公又忙打理餐廳生意,都無諗過出返嚟唱歌。直至12年做黃偉文演唱會,應承咗Wyman上台,但心態其實未ready好,上台一刻本來好緊張,但當企喺舞台上唱第一句時,緊張就即時消失,因為由第一句唱到最尾一句,整個紅館嘅觀眾都跟我大合唱,嗰刻我先意識到,原來呢首歌喺咁多人心目中係咁根深蒂固,先有興趣復出囉!」對於開騷,Maggie坦言無乜壓力,亦不用地獄式減肥,皆因多年來飲食習慣都好自制,食得清淡,身材好fit。

        「唱出真實嘅我」

        14年HotCha宣佈拆夥,張紋嘉轉移活躍影視圈又做主持。問她有何推動力「重返樂壇」?Crystal感觸說:「去年HotCha合體舉行成立十周年演唱會,原本無期望啲乜,但場面好感動,全場fans不時跟住我哋一齊唱,fans嘅熱情打動到我,好想唱返歌當係送畀自己嘅禮物。」加盟新唱片公司後,Crystal早前終於推出新歌《獨立單位》,監製李拾壹的曲加上Tim Lui的詞,完全道出獨居女生的心聲。Crystal說:「呢首歌係一個獨居嘅故事,九成都係我嘅故事。歌詞入面講到,一個人喺茶几食飯、啲衫周圍放,就係真實嘅我。清新曲風,無多餘嘅樂器伴奏,靠自己嘅聲音演繹,好考唱功O架!」

        主持:黃柏高

        統籌:林永匡

        協力:袁東亮、林書鉉

        攝影:謝民光

        黃柏高
■我一向對創作廣東歌仲有團火,好欣賞張紋嘉(中)和傅珮嘉(右)早前分別推出全新廣東歌《獨立單位》和《靜音模式》。
 ■我一向對創作廣東歌仲有團火,好欣賞張紋嘉(中)和傅珮嘉(右)早前分別推出全新廣東歌《獨立單位》和《靜音模式》。 
■去年中,張紋嘉(右)、黎美言(中)及張惠雅合體開十周年演唱會,打動Crystal再出新歌。
 ■去年中,張紋嘉(右)、黎美言(中)及張惠雅合體開十周年演唱會,打動Crystal再出新歌。 
■33歲的Crystal獨立發展工作不斷,歌影視之外,嚟緊亦會再參與舞台劇演出。
 ■33歲的Crystal獨立發展工作不斷,歌影視之外,嚟緊亦會再參與舞台劇演出。 
■Crystal早前在劇集《心冤》演出得到好評。
 ■Crystal早前在劇集《心冤》演出得到好評。 
■Crystal大讚《獨立單位》MV令她一日內經歷拍拖、單身、求婚、獨居的感情戲份,更為她帶來寫作靈感創作劇本。
 ■Crystal大讚《獨立單位》MV令她一日內經歷拍拖、單身、求婚、獨居的感情戲份,更為她帶來寫作靈感創作劇本。 
■Maggie當年應承好友Wyman重踏舞台獻唱金曲《絕》,對她影響好大。
 ■Maggie當年應承好友Wyman重踏舞台獻唱金曲《絕》,對她影響好大。 
■Maggie不時港台兩邊走,要兼顧家庭、唱歌和麵店。
 ■Maggie不時港台兩邊走,要兼顧家庭、唱歌和麵店。 
■傅珮嘉和台籍丈夫周思甫結婚9年,兒子Jasper今年8歲。
 ■傅珮嘉和台籍丈夫周思甫結婚9年,兒子Jasper今年8歲。 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.