PACO名人會
PACO名人會
PACO名人會

《大時代》三兄弟齊捧場 吳啟明 開餐廳 晒獨門秘技

2019/04/01 04:12:42 網誌分類: 生活
01 Apr
          TVB經典神劇《大時代》,當年搵來邵仲衡、陶大宇、吳啟明和郭政鴻飾演四兄弟,撮合4人變為好友。相隔27年,最近因為退出娛圈的吳啟明在中環開餐廳,四子又可有個私竇相聚,邵仲衡、陶大宇和郭政鴻更可品嚐吳啟明以最耍家「慢煮秘技」煮的精緻家庭小菜。不但令他們大開眼界、大飽口福,連我這個「麵神」,對他用一日時間煮爽口即食麵也感到驚訝!

         吳啟明以「慢煮」為題開餐廳,他先解釋慢煮是18世紀法國人發明的,「佢個concept係將食物放喺袋裏面抽到真空,跟住搵另一部機用65至75溫度嘅水浸住佢,你要知道用呢個溫度去煮係要煮好耐,通常一份排骨要煮4至6個鐘頭,煮完出嚟,因為膠袋封住排骨,所以可以保持番佢最original嘅肉味喺度,啲水份一啲都冇流失到。」他表示餐廳招牌菜是豉油王乳鴿,並稱原隻品嚐最原汁原味;而溏心鮑魚撈飯也值得一試。

        情有獨鍾

          其實邵仲衡、陶大宇和郭政鴻訪問前已幫襯過,各人紛紛扮「食家」幫好友介紹菜式,對吳啟明炮製的家庭小菜均情有獨鍾。郭政鴻坦言:「佢個蒸水蛋做得好滑好嫰,熟度啱啱好,唔會太老,煎馬頭魚又煎得好好食。」邵仲衡續說:「對我印象最深刻嘅係豆豉鯪魚油麥菜,個菜好簡單,但佢做得精緻,而且炒得好惹味。」陶大宇則欣賞他的咖喱牛腩,他直言:「其實牛腩你炆得耐就好食,但佢個汁真係開得好好,而且佢每道菜都畀到新鮮感你,你會覺得愈食愈好味。」

        大爆秘技

          吳啟明即時向他們講解煮這三道菜的秘技,「先講吓蒸水蛋,隻蛋倒出嚟大約係50g,我會加番50g嘅雲腿高湯,跟住再加25g嘅奶,然後搵個好密嘅過濾器隔咗啲渣,咁就好滑喇。至於豆豉鯪魚油麥菜,我唔會用豆豉鯪魚罐入面嘅豆豉,因為嗰啲唔夠香,我特登選咗一種好香嘅豆豉,一起鑊炒香蒜蓉,再落自己嘅豆豉去炒。而咖喱牛腩有個精妙之處,我做嘅方法係冇咁黐牙,呢個方法可以用喺好多肉食類產品度,如果你煮得太熟太腍想救番啲肉就用啤酒,即刻變番彈牙。」

        冷凍技術

          大家聽完均感讚歎,我即刻想食番個麵。陶大宇笑言:「記得上次同Paco去私房菜食飯,Paco同大廚講佢叫麵神,叫佢即刻炒個方便麵畀佢食,嚇到佢面都青埋,其實煮方便麵好食係好難!」吳啟明續稱:「方便麵並唔係煮出嚟即刻食,如果你要我煮,你畀一日時間我,點解呢?因為我鍾意用冷凍技術,我個方法係煲滾啲水,放個麵落去淥、一鬆就起,跟住倒落個碗度用保鮮紙封住佢雪一晚,第二日煮好方便麵個湯擺番個麵落去,你會發覺個texture完全唔同,爽到不能再爽,如果炒仲正。」大家在屋企不妨可以試下。

        主持:黃柏高

        統籌:林永匡

        協力:李佩儀

        攝影:袁東亮、謝民光

        場地:慢煮兩餐

        黃柏高

        
■吳啟明(右二)開餐廳,邵仲衡(右一)、陶大宇(左一)和郭政鴻(左二)幾兄弟齊撐場。
 ■吳啟明(右二)開餐廳,邵仲衡(右一)、陶大宇(左一)和郭政鴻(左二)幾兄弟齊撐場。 
■溏心鮑魚撈飯用中東乾鮑煮,過程要煮4日。
 ■溏心鮑魚撈飯用中東乾鮑煮,過程要煮4日。 
■陶大宇除了鍾意食咖喱牛腩,另一道菜「老少平安」(餐廳菜名為肉碎蒸鹹蛋)都不錯。
 ■陶大宇除了鍾意食咖喱牛腩,另一道菜「老少平安」(餐廳菜名為肉碎蒸鹹蛋)都不錯。 
■陶大宇(左一)、邵仲衡(中)、吳啟明(右二)和郭政鴻(右一)因拍TVB經典劇集《大時代》飾演「丁蟹」鄭少秋(左二)四個兒子而結緣。
 ■陶大宇(左一)、邵仲衡(中)、吳啟明(右二)和郭政鴻(右一)因拍TVB經典劇集《大時代》飾演「丁蟹」鄭少秋(左二)四個兒子而結緣。 
■豉油皇乳鴿原隻品嚐,最能保留到原汁原味。
 ■豉油皇乳鴿原隻品嚐,最能保留到原汁原味。 
回應 (3)
我要發表
LINE:pu5205
LINE:pu5205 2019/04/03 02:40:42 回覆

台北 台中 台南 高雄 彰化 新竹LINE:pu5205
台灣外送茶旅館飯店叫小姐做全套服務LINE:pu5205
看照網址:www.lv1319.com

台北 台中 台南 高雄 彰化 新竹LINE:pu5205
台灣外送茶旅館飯店叫小姐做全套服務LINE:pu5205
看照網址:www.lv1319.com

台北 台中 台南 高雄 彰化 新竹LINE:pu5205
台灣外送茶旅館飯店叫小姐做全套服務LINE:pu5205
看照網址:www.lv1319.com

user

最新回應