背包遊都可以跟團？
2019/04/04 04:13:00 網誌分類: 生活
呢種半自由行式「悠遊團」，係將傳統旅行團同自由行結合，成為一種無拘無束嘅旅遊方式。昨日康泰仲宣布夥拍人氣「背遊達人」梁彥宗Chris Leung合作設計咗個「摩洛哥背遊團」，仲由佢親自領團，真係够晒新穎！今次行程唔單只睇風景、體驗當地特色，沿途Chris會分享旅遊趣聞，大家仲會體驗到乜嘢係Glam-packing！
其實呢種背遊團只係康泰今年其中一個發展方向，佢哋今年新加入嘅管理層，有豐富長線遊嘅專業，所以未來公司發展着力高端遊、深度遊業務，仲會開拓更多香港人少去嘅地方，同時會以「Travel Beyond Ordinary跳出框框 體驗世界」做主題！過去三個月，康泰仲先後搞過古巴11天和烏克蘭12天，前者會到韓劇《男朋友》嘅取景點，後者仲會窺探切爾諾貝爾核電站；另外，佢哋仲有或長或短天數嘅南美旅行團，當中仲會去埋香港未有旅行團踏足過嘅烏拉圭。行程係咪好創新呢，搞到小弟都即刻想去深度遊一下！
Jacky哥
■（左起）康泰旅遊管理總監李淑芳、嘉賓梁彥宗、康泰行政總裁張雷、康泰長線部總經理左文偉。
回應 (0)
我要發表