Kelly Chu
Kelly Chu
Kelly Chu

行山客大叫嚇退 野豬逼近BB 姐姐唔識驚

2019/04/09 04:12:12 網誌分類: 生活
09 Apr
          野豬周街走,唔係新聞,但昨天有朋友去香港仔郊野公園行山,見到一隻野豬企圖走近一部嬰兒車,好似對車上嘅BB虎視眈眈,引起行山者驚恐,以為隻野豬想襲擊BB,即刻呼叫,先至嚇走隻野豬。Kelly問過生物專家,佢分析野豬襲擊體型較小生物嘅機會不大,好可能係虛驚一場。

          有行山朋友傳咗幾張連環相片畀Kelly,話喺昨天喺香港仔郊野公園行山時候拍到,見到一名外傭姐姐推住架BB車,喺公園內閒坐,呢個時候有一隻大野豬喺幾步之外盯住BB車,外傭姐姐好似唔為意。

           朋友話,覺得隻野豬好似不懷好意,擔心佢攻擊個BB,放是大聲提醒個外傭,但佢無反應,可能因為唔識中文,呢個時候有行山者轉頻道,用英文高叫,個外傭姐姐先至恍然大悟有野豬殺埋身,急急腳咁推BB離開。

          Kelly問過對動物行為有研究嘅專家莊棣華,佢指喺香港出沒嘅野豬,主要食樹根同樹葉,唔會食人嘅。

          不過,Kelly見到張相都一額汗,因為外國曾經發生野豬發狂撞傷人事件,大家都係唔好咁接近佢哋,或者見佢哋埋身即時走開好啲。

        Kelly Chu

        
■外傭姐姐帶住少主往郊野公園遇到野豬,場面驚險。p/  
 ■外傭姐姐帶住少主往郊野公園遇到野豬,場面驚險。

   

■郊野公園經常出現野豬。p/  
 ■郊野公園經常出現野豬。

   

回應 (0)
我要發表
user