民航總部舉行開放日 飛機迷千祈咪錯過! 2019/04/09 04:12:17 網誌分類: 生活 09 Apr 飛機迷嘅喜訊。為咗響應「2019香港科學節」,位於赤鱲角機場嘅民航處總部將會喺四月二十五日起一連三日舉行開放日,除咗航空講座、空管塔台模擬器體驗同航空教育徑導賞團之外,仲會展出互動數碼指揮塔裝置,等大家親身感受同了解數碼指揮塔嘅運作,透過高解像度嘅監察攝影機,可以見到機場飛行區嘅全景,清楚顯示跑道上嘅航機同車輛嘅實時活動狀況,參觀者可以扮演空管人員,監察航班升降,Kelly諗吓都覺得好玩過癮。 開放日係免費入場,但每場講座只設二百個名額,而航空教育徑導賞團每節一百個名額,塔台模擬器體驗一個鐘只設四十個位,先到先得,大家快啲上民航處網頁www.cad.gov.hk/chinese/CAD_OpenDay.html報名啦。 Kelly Chu ■市民可以上塔台模擬器參觀。 ■航空教育徑嘅飛機模型。 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消