9~10/4 暗湧+利淡訊號

2019/04/09 22:07:34 網誌分類: 經濟
09 Apr

港股高位沽壓加劇, 30000大關好淡角力, 不進則退

9/4周二收市~港股創年度新高大舉屠熊, 恒指收30157, 升80點, 連升兩天

今日港股一如所料創高位30222/11853繼續回補去年端午的下跌裂口及屠熊, 今日大鱷托住大市, 目的係令技術派及小散戶相信大市跌唔落而入市高追買上, 亦要俾時間貼價牛出世, 部署日後的殺戮, 大鱷大媽就乘機高位派貨, 其實大市已出現多個利淡訊號, 不進則退

港股表面上係收升, 其實係有暗湧, 睇下幅即市圖, 其實係沖高回落, 創新高但高位卻是一瞬即逝, 走勢欠佳, 但神級畫圖高手大鱷卻刻意於競價壓低幾點開出, 然後將港股畫成低開高收(黑箱作業收市U盤踢高), 單日轉向的利好形態, 大鱷扮守得住30000(俾時間牛牛出世), 技術上就呈現低位有承接的走勢, 多位技術派分析師見大市又跌唔落, 都信大市短線仍向好, 連本來看淡本周的燈神梁蛇見港股不但冇插水, 仲連日創新高, 又轉口風唱好喇! 仲話不要淡倉過夜, 仲話部署入貨(上次走鬼見底, 入貨就係見頂訊號), 好友要小心燈神相反效應喇!

睇下30600樓上熊一直養唔肥, 就知大鱷已成功營造向好氣氛令人人向上望, 全城買上, 亦嚇到淡友紛紛縮手, 貼價牛已登場, 市場分析一面倒看好係利淡訊號, 根據慣性走勢, 要大跌必需要有貼價肥牛, 大鱷就托住大市來養牛

由於中港股市通常係同步, 如明日上証跌穿周一低位3210, 港股亦無可避免會跟隨跌穿周一低位29913/11712, 能否一插即彈就要睇阿爺, 如果大鱷想食埋貼價QQ熊$384~$394, 又或者想引貼價BB牛入局, 就會咬住30000, 到養肥牛牛才插

~~~~~~~~~~~~~~~~~~~~~~~~~~~~~~~~~~~

回調訊號

過去兩日預測港股會踢上去屠熊, 不過亦提醒大家要有隨時見頂回落的兩手準備, 因為港股技術上已超買, 回吐壓力大增, 恒指目前RSI(14)報70.13, 回顧過去兩個月恒指反艇的RSI分別是76.14, 71.52, 68.83, 67.01, 時辰快到了, 今日港股有頂味, 但燈神卻追貨, 超短線已入滿倉100%, 短中線亦加倉, 燈神走鬼代表跌到水尾, 燈神掃貨就係升到尾聲, 係回調訊號

貼價牛今日終於出世, 不過唔夠肥, 未殺得, 29500水平只得牛824張, 仲要等未來幾日陸續登場的新牛, 肥熊就由30228開始一路排上去, 明日港股會否裂口低開碌落山關鍵在上証會否破底插穿3210, 如失3200就死得, 要留意今日走低的內銀內險A股明日的表現, 如金融A股續跌就會拖低港股, 不過上証已連跌兩天, 今年試過5次兩連跌都有反彈, 只係試過一次三連跌, 港股即市多數跟上証騰上騰落, 大鱷奸到冇朋友, 港股即市震到失暈, 散戶短炒無論買上抑或買落都要輸

中港美三地股市通常係同步見底頂, 港股今日獨自去偷歡, 創即月高位並未獲得上証支持, 好明顯只係為了屠熊而夾硬升, 係虛火上升, 昨日上証以近一個月以來最大成交創高位3288, 果然冇好下場, 今日未能破頂沽壓大增, 權重A股紛紛下跌, 拖低相關H股, 導致國指走弱, 拖低港股

今日上証低見3215, 險守昨日低位3210, 港股牛多熊少一直拉住港股後腿, 所以日前已預測大市不會飛出外太空, 因為大鱷嫌30600樓上熊太瘦, 由於牛熊分布係牛肥熊瘦, 有下殺誘因, 大鱷可落去先食牛扒, 待4月下旬再上山都得

自從踏入4月份第一天以大裂口上企29500以來, 大鱷就一直操控著大市即市波幅, 壓住頂部上移幅度(似有所待, 可能係等牛出世), 而每日恒指即市波幅只得200~290點(要留意往後當波幅超過300點就代表大鱷已完成部署), 窄得不尋常(3月試過多次波幅300~500點), 裂口開出後散戶炒即市都唔夠水位, 加上即市震到失暈, 唔係單邊上落, 似升非升, 似跌非跌, 散戶頻頻企錯邊, 好友淡友都要輸俾大鱷, 而QQ就成為大鱷操控大市上落的棋子, 其他股份捱沽早已見頂回落, 港股創年度新高但大媽走內銀拖低國指, 升市但散戶手上持貨都要蝕, 大鱷大媽獨食冇益人, 正一趴街, 要詛咒佢地賺到都冇命享,

 {#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

10/4周三收市~恒指收報30119, 跌37點, 下殺危機未除, 不進則退

挾高QQ殺QQ熊

今日港股一度失守29900, 但大鱷大幅抽高QQ令港股收復大部份失地, 財演紛紛說市底強, 其實大鱷係利用QQ掩護出貨, 多隻監察股已跌穿近日低位, 走勢轉差, 好友唔該留意當大鱷食完$394 QQ肥熊後能否高企才好信

元帥近日一直強調港股有暗湧, 30000仍未站穩, 要走貨減倉不宜再買上, 上破30000反而想入熊做淡, 因為港股每大插一棍就會彈2~3個星期, 25/3大插後彈到而家, 按時間推斷代表已升到水尾, 加上港股月內走勢多數係高低高, 月初創新高後就要落山, 下旬再上, 現水平買上應食胡等大跌, 沽貨後仍未插就觀望而不應高追,

明明有唔少成份股早已見頂回落, 有濃濃的散水味, 但點解現水平人人仍向上望? 大鱷刻意留番幾串肥熊未殺光目的係令股民相信大市升勢未完, 引導股民買上及追貨, 全城果然信到足, 齊齊向上望, 中伏了, BB牛陸續入局, 已上移至29624, 貼價牛出世就係港股回吐之時, 港元1個月拆息連升6日, 利淡

收升周多數會係星期一二見底, 今日(星期三)創新低係利淡訊號, 預示本周有可能收跌, 即係後市會再插穿今日低位29892, 要留意周四五係創周內新高或新低的時間窗口, 不進則退, 否則唔夠周波幅, 如本周收跌, 周五就會收29936樓下,

居安思危, 要逆向思維, 對後市要有戒心, 全城只係得我地頻頻望住下面29800附近的初生BB牛, 擔心會夭折, 驚大市會掉頭大插, 但市場上分析一面倒凈係講上30200~30600屠熊, 冇財演或分析師講貼價牛量, 大鱷已成功溫水煮蛙, 回顧月初港股升到彭彭聲, 貼價牛亦來不及發行, 到昨日29600附近的新貼價牛登場, 港股隨即見頂回落, 絕不會是巧合, 由於陸續有牛出世, 今日大鱷就玩V彈來養牛引好友,

特朗普表示會對價值110億美元的歐洲商品徵收關稅,歐美貿易關係緊張,IMF下調2019年全球經濟增速至3.3%,為金融危機以來新低, 港股沽壓加劇, 但大鱷就玩臨危托沽扮守得住30000, QQ獨力支撐大市, 令大市跌幅收窄

大鱷咬住30000扮守得住其實係捉心理, 股民見大市跌唔落多數會看好買上, 博上攻屠熊, 財演亦被大鱷誤導, 以為市底強而唱好, 淡友輸到怕見跌唔落就閃, 大鱷亦可震走淡友引好友入局才插, 貼價牛陸續入局係利淡訊號, 呢兩日燈神由唱淡轉為看好, 說淡友無能力還擊, 好友仍控制大局, 認為回吐幅度不會大, 因而大手追貨, 超短線已滿倉, 燈神看好小心大市走相反, 燈神中長線繼續入緊貨, 嘩))) 真係神級, 燈神29000附近走鬼, 30000附近高追, 大市危了, 因為3月份燈神都係在大市見頂時大手追貨, 跟住港股就反艇

最新回應

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏

史哥
史哥 2024/03/27
@門徒...

門徒~

保證資金~咪即係你户口要確保要有嘅金額囉~

如果低過的話~會被迫強行斬倉 跟現實期期一樣~

因為有桿杆~

至於~手什麼美元手續費係咩~就唔知喇~可能係美股買賣交易手續費? {#icono0_33}

你有咁多問題~自己問客服啦~或者入群啦⋯⋯ {#iconb_23}

soho*
soho* 2024/03/27

雞煲, 我去完深圳珠海及澳門,昨午已返港,依家執緊行李,明日和另一班朋友下江南

復活節 清明節千祈唔好去桂林 ,清明時節雨紛紛,所以灕江及陽朔唔靚仔, 江上一片灰濛濛,山頭大霧 看不清風景

幾年前我就係復活節 清明節去桂林,嘩))) 人山人海,等遊船 真要命,喺碼頭等咗2-3個鐘頭才能上船遊漓江

~~~~~~

高鐵去桂林梗係難買票啦! 未來兩個星期 香港有大量旅行團去 桂林,再加上 清明節是內地假期, 打工仔連放3天, 仲可以攞埋年假玩耐d, 而退休大媽得閒冇嘢做就會去桂林, 所以 桂林經常迫爆

如果你真係要去桂林,最好避開3-7/4清明節

你去湖南有冇順便去埋貴州?呢個季節貴州到處都是盛放的花,非常漂亮