迪園高層熱心公益助病童圓夢抗病魔
2019/04/10 04:12:21 網誌分類: 生活
Linda話，佢相信生命影響生命，當初加入「願望成真基金」嘅原因，係覺得「醫心」同「醫人」一樣咁重要。對病童來講，令佢哋展現笑容，係無價嘅。
為咗實踐呢個目標，佢投入服務病童嘅義務工作，幾年來遇過唔少令佢動容嘅個案，其中一個係現年七歲嘅浩傑，佢患上罕見嘅毛細胞星形細胞瘤，細細個就接受多次手術，家人好愛惜佢，佢亦好乖，識得安慰媽媽，令人感動。浩傑嘅願望係去日本遊覽或者做Iron Man，「願望成真」義工正在找出佢心中所想，再幫手建構，目的係畀佢知道，願望可以有好大嘅力量，陪佢一起面對疾病嘅挑戰。Kelly聽完眼濕濕，都好想為病童出一分力。
Linda話，佢對基金會有一個期望，喺未來加強同香港兒童醫院合作，令更多病童重新相信可以主導自己嘅人生，喺快樂嘅環境中成長。Kelly希望Linda嘅愛心願望成真。
Kelly Chu
■蔡少綿公餘加入「願望成真基金」，幫病童完成心願，鼓勵勇敢對抗病魔。
回應 (0)
我要發表