GIGI姐開班教煮食仲送烹飪「寶典」！

2019/04/10 04:12:23 網誌分類: 生活

10 Apr

        　　下廚可以減壓，所以好多人跟黃淑儀GIGI姐（見圖）下廚。GIGI姐每個月喺信興廚藝中心開班授徒，繼上月嘅脆皮燒乳豬大受好評之後，今次會轉轉新意思，教大家整潮式煮魚同滋味香濃南瓜糕嘅造法。除咗實習菜式之外，佢亦示範多兩個菜式，包括炭燒牛柳同泰式沙律，最適合鍾意酸酸甜甜同香口食物嘅朋友。

        　　報名嘅學員，有機會拎到GIGI姐嘅烹飪食譜一本，不過大家留意啦，GIGI姐今次課堂之後，會暫別香港，可能短期內都未必可以喺信興廚藝中心教班，大家千其唔好錯過啦！把握最後嘅報名機會啦！因為下次真係唔知幾時㗎啦。課程日期於今個星期日下晝喺佐敦道新寶廣場二十樓上，大家唔好等啦！

        Kelly Chu