貿易談判利好
聯儲局的議息會議進一步確定今年不會加息,再加上美國財長姆欽發布中美貿易談判好消息,週三美股反覆靠穩,杜指收市微升6點,收報26157點;標普500指數升0.4%;納指升0.7%;中小型股表現強勁,羅素2000指數升1.4%。
聯儲局昨日公佈3月的議息會議紀錄,大部份與會官員都建議今年內不加息,而前提是經濟沒有改善。官員們都預計未來經濟前景充滿風險,保持利息不變會比較穩妥當。
另外,美國財長姆欽昨日接受CNBC訪問時表示,再發放有關中美貿易談判的利好消息,他說週二與中國副總理劉鶴的電話會議「富有成效」,他特別提到,在協議中加入「執行機制」的問題上已得到共識,話將設立執行辦公室。此前,中美雙方此前一直在「執行機制」的問題上僵持不下,美國希望在協議中加入一套「執行機制」,以保證中方日後不會做出違約的事情,美國一旦發現,可以單方面增加關稅等形式懲罰中國,而中國不得報復;中國對此不願接受。按姆欽的講法,表示雙方已初步解決這重大問題。此消息利好大市。
美股昨日企穩,也與油價上升有關。標普500能源板塊升0.4%,與大市同步。紐約期油昨日升1%至每桶64.61美元,係5個月以來最高。美國最近一週的原油庫存上升700萬桶,遠高過市場預期的只增加230萬桶,但市場把注意力放在汽油庫存上,汽油庫存期內減少了770萬機,下降量遠大預期的200萬桶。
投資者目前對油價前景十份樂觀,估計會升破65美元一桶的阻力位。例如ING銀行就表示,隨著油組(OPEC)及非油組減產,加上美國對委內瑞拉和伊朗的石油出口禁運,令到供應減少,供求正趨向平衡。
據OPEC的資料顯示,油組在3月的供應,平均每日下跌了50萬桶,產量係四年以來最低。另外,隨著產油國利比亞爆發內戰,最近又傳出阿爾及利亞出現要推翻現任總統的大規模示威,而這些政治動亂雖然還未影響到北非的主要產油國,但似乎也是遲早的事情,所以預計油價短期內仍會向上。
不過,大家又不要對美國油價的升幅抱有太大期望。高盛的分析師認為,紐約期油近期仍會向上,但不要期望會升上80美元—桶的水準,高盛預計會升上70美元至75美元一桶,所以現在還有炒作的空間。不過,預計到今年第三季以後,油價還會回復到大約60美元的水準。他解釋,估計油組由第三季開始會退出減產協議,因為庫存已經去到5年低位,更主要的原因係俄羅斯等非油組的產量持續增加。事實上,俄羅斯的減產量一直以來都未達到同意的減產目標。另外,美國Permian油管將於今年第三季重開。此前因為油管關閉,每日最少減少了45萬桶石油的輸送。供應增加,自然會壓住油價。
不過油價的最大風險,係升近70美元時,很大機會惹來特朗普的干預,到時會拉動油價快速回調。
陸羽仁
2019-04-11
Dow Jones Industrial Average (^DJI)
26,143.05 -14.11 (-0.05%)
港鐵地產夠食10年
2019年04月12日
港股三萬關果然唔係咁易守得住,雖然指數曾經成功收喺關上,但就無法企穩,昨日藉內地通脹數字上升回吐,但以指數累積升幅咁大,回吐2、300點相當正常。
國家統計局公佈,3月居民消費價格指數(CPI)上升2.3%,略低於預期,惟仍創五個月新高。市場藉通脹風險憂慮增加,促成A股跌勢加劇,上證指數失守3200點關,收報3189點,跌1.6%;深成指數跌勢更急,收報10158點,挫2.7%。其實首季內地通脹率為1.8%,仍遠低於今年約3%目標,市場話通脹若然上升,會限制中央放水能力,距離真正憂慮仲係好遠。現時全球央行都話通脹降溫,內地突然話通脹會飆升,聽落都幾離奇,甚有借勢回吐味道。
騰訊逆升撐住指數
恒指最多插335點,見29783點全日低位,收報29839點,跌280點;國指收報11618點,跌145點,大市成交金額1198億元。若然唔係騰訊(700) 逆市撐住,指數跌幅應該仲大,大市消化一日是否足夠仍待觀察。
騰訊(700) 續炒遊戲業務復甦,股價曾重越400元大關,為去年6月以來首次,其後升勢回順,收升0.7%,報391.4元,是表現最佳藍籌股;其他遊戲股即時起哄,遊萊(2022) 急漲26%,收報0.36元;日前公佈入股VR開發商的雲遊控股(484) ,股價飆21%,收報7.45元;博雅互動(434) 飆15%,收報2.27元。
呢兩日運輸及房屋局局長陳帆上立法會,俾人質問發展商連細單位都搞招標,政府有咩回應。陳帆話相關部門正在調查中,唔排除會有檢控。發展商「擠牙膏」式賣樓,賣到連細單位都招標,之前當局毫無警覺,明顯「漏雞」。更深層次問題係政府根本無地,發展商先會「坐定粒六」慢慢賣。現時新樓來源除了官地拍賣,另一重要來源就係港鐵(066) 。港鐵物業總監鄧智輝噚日透露,現時港鐵尚有約二萬個單位未投入市場,包括日出康城和黃竹坑站共6期項目,規模龐大,全面落成需時多年,會繼續按照市況,按序為日出康城餘下3期進行招標。
佢仲話,現時有不少鐵路設施可改建為物業發展項目,例如小蠔灣已經落實城規程序,期望經過與政府討論後,可形成較大社區,提供私人甚至資助房屋單位,但未來港鐵沿線會否提供更多資助房屋則言之尚早,因為港鐵並無任何發展資助房屋經驗,將來會交由政府發展。
有二萬單位投入市場
港鐵股價近日無懼負面消息,皆因地產副業好景。最近一次港鐵業績公佈純利160億元,當中地產部份大約有1000多個單位入帳。如果公司有二萬個單位投入市場,即係話未來仲有1.8萬個單位可以慢慢食,比全港住宅一年供應仲要多,其中唔少仲係何文田、香港仔靚樓,收入應該會陸續增加。
如果以招標到落成計,通常要5、6年時間。現時日出康城的地盤招標,跟住應該仲有香港仔的項目可以推出,然後就係小蠔灣同其他項目名下改建項目,粗略計地產收益前前後後可以食成10年,10年之後仲有無得食,就要睇政府會唔會再開新線。
港鐵未來招標的項目,慳慳哋應該可以玩多四、五年,數字已經比起唔少地產商家底都仲要厚,所以如果看好本地樓市,當個市調整得咁上下,應該可以諗諗搭番轉港鐵。
陸羽仁
今舖係好友定淡友會被七漢抬走?
夜奇大高水 救禾
將軍:300加沽
林之兄: 噢....你咁講都定d, 可以去happy hour.......
將軍:高水幾十點咋噃,俾佢上番300又點話呀
林之兄: 夜期大高水, 救我.......
將軍:睇嚟今晚好大機會見29750
我說過要大市快落 讓三皮擔當熊市的轉角
看透了行情 麻目地炒作
kaka: 齊心就事成, 同我見29750.......以下......
林之兄: 係邊度升上來, 就同我去番邊著。。。。。
將軍:夜期可能得,只要老美踩多腳,聽日見295
將軍,29750應該唔得。應該收299左右 救禾
林之兄: 淡友想安全, 就要留意今日收市必須在29750以下, 呢次重唔肥呀.....
Kaka兄:沒有必然嘅,明天揮一揮手300最好
林之兄,阿爺近排係星期五例升
Kaka兄:淡友越來越安全了,希望在明天
將軍,林之兄,淡友日日都好輸服 輸到貼貼服服
Kaka兄:抽升去305,咁會好多人跳樓喎
將軍:今朝抽升個下再插會唔會已露大戶蹤影?
kaka: 如抽上305才插, 真是高, 子龍都要寫個服字. Everything is under control....
將軍,回馬槍抽上305的話,高手中既高手
林之兄: 噢....大戶會否輕易露出馬腳呢??? 未知, 如是高手, 應該先來一記回馬槍. 唔....這才高招呢.
將軍:300上唔返,明天插過
將軍,受教了。今日大市成交好似多左d
林之兄: 如大市受制30200必大插, 除非唔係...... ,405收足十年息好過炒股.....
kaka: 咁要睇收市能否重上30080, 還要看成交呢. 除非唔係......
將軍,升得巧穩,跌唔落,救禾
將軍:吻別300
kaka: 倒升.....子龍真的服了.......
將軍:可能系舊年405接貨嘅大戶想離場
咁快放暑假?
咁多小學雞?
SIGH...
將軍,話唔定阿爺同港女一陣deep V
kaka: 照道理挾上31600重肥, 唔明......
林之兄: 誰這麼傻??? 四舊水買隻鵝.......
將軍:股鵝都就快頂唔住了,下晝佢轉向埋5、6百波幅
將軍,溫水煮熊,請熊入甕 救禾
叮噹....半日大市跌近3舊, 成交712億, 波幅401.
林之兄: 唔通大戶知子龍大軍未離場, 以退為進........
kaka: 噢...貨櫃之城......救我.......
將軍:上個月已經好淡通吃,今個月可以重技重施,月底去返285都得,大戶玩曬。
將軍,係貨櫃碼頭上面起樓,算唔算天空之城
林之兄: 噢.....即是好淡通吃....咁絕......
kaka: 如香港能建造全球第一個天空之城, 必定吸引全球精英參與, 香港必定能再發光發熱, 東方明珠再現.....勁呀......
將軍,大漲小回姐 唔會快落 復活節後大波牛市又復活
將軍:可能淡友今年已輸清光了,而家轉而向好友攞返,大戶點會怕,升跌都係大賺
林之兄: 噢...子龍以為大戶有guts推上31600才大插. 唔通外圍有變, 大戶都要怕......
kaka: 噢...樓價受制於正苦政策. 填海太舊思維, 何不做天空之城, 向上發展. 但樓價都唔會跌, 因為天空之城是給有錢人住的.
將軍,QE直到永遠,咁樓價仲會跌嗎
將軍:既然低成交量上嚟,同樣低成交量下去唔可以嗎?橫掂大戶有大量衍生工具食糊
奇指轉低水未
林之兄: 成交未放量, 服鵝只能每天跌一些.......
kaka: 我說過要服鵝快落 讓我擔當沽家的主角........
將軍:只要股鵝今日出支大陰,咁淡友有救啦