婚享 - 如何寫blog 增加「被feed」率！

睇咗《婚享同學會》(https://wow.esdlife.com/wedding-union)嘅blog 咁耐，睇得出好多同學仔都寫得好有心機嘅！好多謝咁多位踴躍「婚」享！

明白各位同學辛辛苦苦寫完一篇blog都希望多啲人睇到嘅心情，咁究竟點先可以增加被小編揀中嘅機會率，feed 個blog去Facebook，甚至乎揀做top blog呢？就等小編公開7大要訣！

1) 要有相、有相、有相！重要嘅事情講三次！有時見到同學寫嘅分享好詳細，小編都好想feed的，但奈何搵勻成個blog 都無！相！無相嘅blog小編係好難feed嘅，建議每個blog 都要有5張相或以上~

2) 相片要original！即係自己影嘅~ 例如有啲介紹姊妹禮物、結婚蛋糕、場地佈置嘅blog，係就係有好多相，但其實係「攞」嗰間鋪頭IG/fb 嘅相嘅，咁就唔係幾好喇~

3) 相片上面唔好有logo！見到各位同學仔pre-wedding 或者big day 嘅相咁靚，好多時小編都好想feed嘅，但如果大大隻photog logo 喺張相度，又係好難做的~ 總之，咩相都好，麻煩留意下有無嗰個vendor嘅logo~

4) 繼續都係相嘅問題！其實各位同學仔都好靚架！大大方方show自己嘅靚樣出嚟，唔好用啲奇怪emoji遮住自己啦！小編見過有同學「整濛」咗自己個樣，非常恐怖，感覺像鬼片，千萬不要。另外，小編不明白，為什麼有同學會用一個心心只遮住自己的咀，但其實大家都看到她的樣子的……

5) 仍然都係相嘅問題！繼遮住自己個樣之後，有啲同學好鍾意將啲背景馬賽克 (?)，同理，小編實在feed 唔落手……

6) 講咗咁多相嘅問題，其實分享嘅主題同內容都係好重要嘅！明白MUA、photog、gown好多b2b好重視……但大家講來講去都係嗰類嘢，小編好難同一個主題無限feed 的…尤其係top blog，就算大家寫得好好，小編都總不能揀10篇top blog 都係試婚紗嘛~ 其實婚禮入面有咁多範疇，都可以講下架！甚更乎大家嘅心路歷程，有咩開心唔開心，加多幾張相 (重點) ，都不妨開心share 俾咁多位同學仔~

7) 退一萬步，其實分享MUA、photog、gown都無問題，一樣可以寫得好彩精的！除咗「細心」、「性價比高」、「bling bling眼」、「自然不造作」之外，大家不妨寫多少少個人感受：同個vendor接觸嘅過程係點架？中間有無發過咩事，令你咁鍾意佢哋呀？etc etc

最後，希望大家繼續多多支持《婚享同學會》，一齊「婚」享好blog！