破天荒 傷健共融音樂會
2019/04/13 04:12:58 網誌分類: 生活
感受每首曲之小故事
「心路隨想音樂會」係由二胡演奏家兼作曲家王憓，聯同患嚴重視力障礙嘅鋼琴家李軒、李昇兩兄弟，破天荒首次合作，齊齊以音樂展現人生嘅曲折離奇、變幻萬千。小妹同王憓傾過，佢希望藉住呢次演出，將青年一代嘅奮鬥精神同埋內在嘅正能量發揮出來，加以鼓勵同表揚。而今次演出嘅作品大多數係王憓嘅創作，以二胡獨奏、鋼琴伴奏及鋼琴獨奏嘅形式演出，仲有精心挑選不同時期所創作嘅樂曲，而每一首曲都有一個故事，每個故事透過二條弦線演繹令你去感受，意會當中嘅曲中語，去欣賞每首曲嘅故事。
仲有呀，今次音樂會除咗會演奏《為了愛》、《感情的四季》等音樂作品，仲有李軒嘅自彈自唱自己創作嘅作品；而且王憓仲特別為音樂會創作了主題曲，並且喺音樂會首次公演，大家係咪好期待呢？
小妹提一下大家，音樂會喺2019年4月20日（星期六）晚上7:30、香港大會堂音樂廳舉行。機會難逢，只演一場。
Cally
回應 (0)
我要發表