Kelly Chu
Kelly Chu
Kelly Chu

Marvel粉絲最愛蟻俠 生命小戰士遊迪園

2019/04/15 04:12:16 網誌分類: 生活
15 Apr
        要學英雄戰勝癌魔

          昨天迪士尼樂園天陰陰,一批小朋友無懼細雨紛飛,周圍尋寶,原來樂園安排咗一個尋寶遊戲畀佢哋玩,其中六歲癌病康復者敖天話佢最鍾意蟻俠,因為蟻俠好細小,但能夠面對巨大嘅挑戰,鼓勵到佢都不怕人生巨大嘅困難。

          迪士尼樂園一直關愛病童同佢哋嘅家人,昨日樂園同生命小戰士會攜手合作,喺園內舉行尋蛋活動,有二百個勇敢嘅病童、親友同康復者一齊參加,任務係幫手搵返收埋喺樂園內嘅一百隻迪士尼花蛋,雖然好忙,但人人開心,渡過輕鬆嘅一天。

        

          迪士尼老友同Kelly分享咗其中一個小戰士敖天嘅故事,敖天四歲嘅患血癌,六歲之前一直接受化療。依家讀緊四年班嘅佢,曾經停學一年對抗癌魔,雖然化療好辛苦,但媽媽一直支持佢,同佢講要學習似超級英雄咁對抗癌魔,只要佢堅強,就可以打贏呢場仗。好彩經過近三年化療,敖天康復番。

        

          敖天係Marvel粉絲,佢話自己最鍾意蟻俠,因為蟻俠同自己一樣唔受大細限制,有強大嘅力量,遇到挫折,不屈不撓,而同樣患上血癌嘅Marvel迷伍洛桁,昨天有出席活動同敖天一齊玩,見佢哋玩得咁開心,Kelly亦開心埋一份。

        KellyChu

        
■在迪士尼年度尋蛋活動中,敖天(左)和洛桁(右)也樂在其中。p/  
 ■在迪士尼年度尋蛋活動中,敖天(左)和洛桁(右)也樂在其中。

   

■食衞局局長陳肇始、香港迪士尼度假區行政總裁楊善妮、生命小戰士會名譽贊助人胡定旭與一眾小戰士一起玩遊戲。p/  
 ■食衞局局長陳肇始、香港迪士尼度假區行政總裁楊善妮、生命小戰士會名譽贊助人胡定旭與一眾小戰士一起玩遊戲。

   

回應 (0)
我要發表
user