15/4 聚頂 + 托沽 + 暗湧

2019/04/15 19:57:38 網誌分類: 經濟
15 Apr

港股高開低收, 先破頂屠熊後倒插呈大陰燭, 失守10天線, 部署屠牛

15/4 周一恒指收報29810, 跌99點~收市U盤最低位, 一度上升370點

恒指30000 VS 上証3200, 齊齊玩穿梭, 好淡通殺

港股近日不斷跟住上証急跌急彈, 拋到失暈, 令港股走勢更難測, 今日港股爆上創新高30280, 全數回補去年端午的下跌裂口, 不過屠熊後掉頭插, 倒跌收場, 未能企穩裂口頂, 反映沽壓龐大, 技術指標呈向淡訊號

大鱷早市玩偷襲挾淡屠熊趙完鬆, 收市跌幅不大, 冇跌入肉, 收市位又刻意守住29800關鍵位來養牛熊, 牛牛愈養愈肥, 牛多熊少, 削弱港股向上動力,看來港股仍要磨下先, 美元高企始終會對港股構成壓力, 後市要慎防資金流有變, 如熱錢徹退, 港股就會反艇

今日先升後回, 貼價牛就在大鱷嘴邊29600~29800, 熊就在30200樓上, 上落都有得開餐, 嘩))) 港股全日沽空比率高達17%, 連vhsi恒指恐慌指數都急升6.86%, 一上到30000樓上就好驚啵!

上周五港元拆息回落, 刺激港股大插後v彈, 不過今日拆息再度上升, 港股即刻彈散, 反映港股沽壓未除, 內地經濟數據改善, 股樓熱炒, 投資者亦擔心阿爺會出招打壓, 內房股近來表現欠佳亦有可能係春江鴨收到風

今日中港股市本來升得好地地, 跌市主因係老外大舉沽出A股拖低H股, 今日港股跟住上証飛天遁地, 明日大鱷食完牛扒港股跟住點走就要睇上証, 總之跌市都唔好凈係向下望, 升市亦唔好凈向上望, 港股升跌都好假, 不能盡信, 港股全周好少單邊日日升或日日跌, 而且例牌跌1~2日就彈, 只係見過一次3連跌, 做好做淡都要執生, 如連跌超過4天就係轉勢向下訊號

慣性走勢具啟示作用, 今日港股理應收升, 但卻違反慣性走勢收跌, 唔計今日, 今年有12個星期一收升, 只得2個星期一收跌, 本來收升機會率大, 但上証反艇, 港股就梗係要跟, 因為上周五恒指已偷步由低位彈215點, 今日再升370點, 其實由低位29694升上30280, 合共已經彈左585點, 夠晒水位俾短炒大鱷轉身啦! 既然向上受阻, 加上樓下有肥牛引誘大鱷, 就冇必要夾硬飛出外太空啦!

目前樓下牛牛愈養愈肥, 牛熊分布嚴重失衡, 牛多熊少利下殺, 由8/4起的6個交易日, 2天殺牛, 2天屠熊, 呢班賤大鱷將港股舞高弄低來玩好淡通殺

現時牛熊分布係貼價牛熊都肥, 上攻下殺都得, 超貼價就有重倉肥牛, 而遠牛熊都係瘦, 即係引誘大鱷29900穿梭炒窄幅殺貼價牛熊, 唔飛出外太空, 不過拖到月尾通常會走出方向, 不會全個月都窄幅波動, 不進則退, 29100~29383上升裂口是後患, 早晚要回補, 否則唔夠波動空間

~~~~~~~~~~~~~~~~~~~~~~~~~~~~~~~~~~

見頂訊號.臨危托沽

一如上周所說, 上周跌, 按照一周升一周跌的慣性走勢, 本周就會升, 即係周四(18/4)會收29909樓上, 反而要擔心復活節長假期前後, 因為假期前後例牌大龍鳳, 10及20天線正不斷上移, 不進則退, 今日已失10天線, 下行壓力愈來愈大

上証近來一直企唔穩3200, 老外見上証彈上3200就繼續沽出A股拖累港股反艇, 不過內銀內險A股表現亮麗, 逆市彈高, 力撐大市, 不過#7300逆向ETF(對沖下跌)連續5日成交都比以往多, 反映升穿30000投資者做緊防風措施, 沽出正股獲利及做對沖

大鱷最陰毒係咬住指數在29800穿梭, 股份卻陰d陰d跌, 大市急跌又識急彈, 令股民失去戒心, 誤以為股份都會跟升, 不止蝕不止賺, 結果搞到成手蟹貨, 反而仲輸死人, 因為唔少股份累積跌幅遠遠大過指數, 即係指數高企, 股份卻下行, 係托沽派貨格, 反映走貨情況仍未紓緩, 持貨要睇住股份表現來食胡, 唔好凈係睇指數, 因為市升但股份亦可逆市下跌

早前曾說QQ爆上$395屠熊及掩護大鱷沽貨, $400阻力大到不得了, 其實QQ重倉牛一直拉住QQ後腿, 大鱷屠殺QQ肥熊後果然趙完鬆, QQ今日倒插失守$390, 要QQ重上$390才能穩住大局, 如QQ失守$385港股就危

~~~~~~~~~~~~~~~~~~~~~~~~~~~~~~~~~~

部署秒殺貼價牛熊

今早滬深股通出現資金凈流入, 顯示老外掃貨, 推動內地股市急升, 不過內地股市半日收市前老外就沽貨撤退, 午後老外進一步狂沽A股, 該時段A股就插水, 老外買賣手影完全吻合即市升跌步伐, 換句話說, 上証明日表現就要睇老外掃貨定係沽貨, 上証連跌3天, 今年未試過跌超過三天, 按照慣性走勢明日理應反彈, 只要上証重上3200, 大鱷就有藉口推港股上30000屠殺貼價熊

上證早市沖高後收窄升幅,以半日最低位3177收,上証午後繼續碌落山,愈走愈低,不但抹去所有升幅,仲倒跌收場,拖累港股反艇

中港股市通常係同步見底頂,但上證高見3254(前頂3288)就打回頭,旣然上證冇破頂,港股破頂創新高見30280亦只係虛火上升冇上證支持港股當然難以企穩高位, 怪不得港股先急升後急瀉

上周五恒指先低後高倒升收陽燭,以收市U盤最高位收,今日就裂口高開屠熊, 秒殺肥熊趙完鬆

今日係翻轉版,恒指先高後低倒跌收陰燭,以收市U盤最低位收,那麽明日豈不是要裂口低開屠牛? 玩秒殺肥牛趙完鬆? 牛牛近在咫尺, 係大鱷口邊喇!

大市急升急跌大鱷冇益人, 當你以為升就跌, 以為跌就升, 冇得順勢追入, 令股民無所適從企錯邊, 好淡通殺,牛熊都要死,呢班大鱷大媽媽正一趴街

咦))) 淡友熊熊唔係清明趁地淋咖! 近來幾次上30100樓上做淡炒熊都揾到到食呀! 不過由於牛肥熊瘦, 大鱷唔想飛出外太空, 所以唔想俾太多淡友進場, 目的係部署日後下殺, 所以往往一插即彈, 每次調整都係快速完成, 挾屎淡友, 股民誤以為跌唔落就會紛紛買上, 股民入貨及買上就中伏了, 燈神梁蛇近來密密追貨持重倉, 相反指標係利淡訊號, 美企宣布季績,又到了炒業績的時間, 市況會受業積及強美元影響而特別波動

暗湧:

每次恒指彈上30000都見明顯沽壓, 大媽亦密密沽貨獲利, 上証站上3200老外就密密沽出A股拖低上証禍及港股

牛肥熊瘦拉住港股後腿亦削弱港股上升動力, 當關鍵位有超過四千張肥牛就係港股插水之時, 要小心4月下旬係爆邊的時間窗口

美元高企不下, 利淡人民幣及中港股市

早前強勢的權重股例如中移.新地.港交所.長實.長和都有走鬼散水味, 未能跟隨今日港股創新高, 反映大鱷大媽正在沽貨撤退

1/4恒指遺留的上升裂口29100~29383, 國指上升裂口11423~11539, 一直未回補是後患, 通常高台裂口都會回補, 大鱷只係等養肥牛牛才出手推港股落山

上証前頂3288/道指前頂26487能否突破並企穩對港股極為關鍵

留意底頂上移的幅度:

28193頂--->27534底 ~ 跌659點
27534底--->28533頂 ~ 彈999點
28533頂--->27845底 ~ 跌688點
27845底--->29241頂 ~ 彈1396點
29241頂--->28201底 ~ 跌1040點
28201底--->29486頂 ~ 彈1285點
29486頂--->28435底 ~ 跌1051點
28435底--->30222頂 ~ 彈1787點
30222頂--->29694底 ~ 跌527點
29694底--->30280頂(15/4) ~ 彈585點
30280頂--->29665底(16/4) ~ 跌615點
29665底--->30178頂(17/4) ~彈513點

30178頂--->尋底中~如插700點見29580, 插千點見29100~29383裂口區

溫水煮蛙式派貨

大鱷非常頭痕, 10天線湧緊上黎, 好難守得住, 但大鱷卻不能推大市上山, 因為牛熊分布嚴重失衡, 整體牛熊分布係牛多熊少(2:1), 拉住港股後腿, 大鱷推升屠熊就會放生肥牛, 係得不償失, 牛牛太多是後患, 進退兩難噢! 結果近來大鱷就玩日升日跌, 高低位都玩快閃, 牛熊都走避不及

月中大市似升非升, 似跌非跌, 股民無論買上買落都要死, 大鱷一日屠牛一日屠熊, 既可以好淡通殺, 亦可以養牛熊, 唔好凈係睇牛熊殺戮數量, 即市不斷拋上拋落, 股民止蝕大鱷亦獲利甚豐,

不要見大市高企就以為好景, 唔好凈係向上望, 其實唔少股份都破位而下, 跌到走樣, 大鱷推高幾隻權重股來掩護派貨, 唔少股民都坐艇, 大市其實暗湧處處, 大鱷抽高幾隻亮點股來吸引眼球, 營造熱炒的氣氛, 引到燈神梁蛇近來係30000附近密密追貨持重倉, 你估大鱷會點做? 燈神看好掃貨港股死得, 要燈神走鬼唱淡港股才會彈

1~2月港股升到嘭嘭聲,股民一買即賺,代表大市單邊向上,不過到了3月下旬已開始變味,股民一買即艇,愈來愈多股份跟唔上大市的上升步伐,代表大鱷大媽一面抽高幾隻權重股來推高指數,另一面就沽貨散水

踏入4月份,走貨情況惡化,指數創新高,股份卻跌到走樣,但大鱷大媽咬住指數在29900上下400點穿梭,托沽態度明顯,股民於首季的盈利嘔番出來

中證監:堅定不移打擊違法違規場外配資行為
盛松成:應堅持房地產調控, 慎防新一輪房價上升
國統局:全國房價目前總體平穩 要控制投機性炒房

~~~~~~~~~~~~~~~~~~~~~~~~~~~~~~~~~~

26/4燈神梁蛇市前評論: 燈神密密大手減倉並唱淡, 持貨降至約四成, 叫粉絲做淡不做好, 燈神可能忘了29/4期指結算, 唔少股份都超賣, 燈神唱淡相反指標係利好訊號, 連跌斷纜利好, 代表港股反彈在望

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏