劉允獲金像獎專業精神獎介紹短片撐粵語俚語

2019/04/16 04:12:15 網誌分類: 生活

16 Apr

        　　前晚全城最關注嘅係咩，梗係金像獎頒獎典禮，Kelly有睇直播，留意到獲得專業精神獎嘅劉允，佢嘅介紹短片好有誠意，好有驚喜，因為內容力撐粵語，喺短片字幕加入咗廣東話俗語，夠晒貼地，仲要有埋拼音，等唔識廣東話嘅人都可以嘗試拼下學下。

        　　呢段介紹劉允短片內嘅俚語，包括「瀨野」、「頂硬上」、「攤攤腰」、「笑口噬噬」、「架勢」、「搏命」同「冇停手」，真係睇詞都感受到佢嘅演技好精采。

         　　佢得獎嘅消息一出，好多人都好驚訝咁得知，原來佢係第一代郭靖白彪嘅細佬，雖然無哥哥咁出名，不過就係憑肯捱肯搏又無怨言嘅精神，獲得業界一致認可零負評嘅吊威吔專家，香港動作電影八、九十年代喺國際間享負盛名，佢功不可沒，佢得獎真係實至名歸！

        KellyChu