跳出生命 舞出自療
2019/04/18 04:13:08 網誌分類: 生活
講返呢班咁有創意嘅青年人,YO會長區璟智同小弟講,佢哋嘅青年人可能或是曾經誤入歧途,但係只要給予支持,都可以重回正軌。而近年團隊更喺前線見到唔少個案涉及精神健康,佢哋有賴善長資助下,先有機會強化喺精神健康方面有需要輔導嘅青年人,並且從提供家人、老師支援多管齊下幫佢哋,減少佢哋嘅自殺傾向!而呢個協青街舞劇同時亦係YO其中一個年度嘅籌款活動。
今次表演名為《一念之間:無懼》,「YO Dancical 2019」榮譽項目統籌及執行監製暨嘻哈學校榮譽顧問紀文鳳講,街舞劇舊年係以一個因跳街舞而放棄自殺念頭嘅真人真事個案做藍本,今年加入新角色就係期望青年人可以有無懼嘅精神,勇敢面對恐懼,宣揚「舞出自療的成效」。
小弟就覺得值得畀個like嘅係周大福珠寶金行有限公司,因為佢哋自2014年開始就連續六年冠名贊助「YO Dancical」周年大型街舞暨籌款活動,今年佢哋仲將劇中角色SEEME設計成三款吊墜作慈善義賣,而且收益將不扣除成本,全數捐助協青社青少年發展用!協青社副會長暨籌募委員會主席黃紹基透露,每年YO嘅開支超過4,000萬港幣,1,300萬嚟自政府資助,其餘都要自行籌募呢!
Jacky哥
■街舞劇主禮嘉賓香港特別行政區行政長官林鄭月娥呼籲大家,攜手繼續支持協青社,幫助青年人健康成長。
回應 (0)
我要發表