企業熱話
企業熱話
企業熱話

實地體驗1小時養老生活

2019/04/18 04:13:09 網誌分類: 生活
18 Apr
          家有一老如有一寶,但係要喺香港咁狹窄嘅環境,畀到老人家有個安樂舒適嘅晚年都唔係咁易!小弟跟樂善堂同四十幾位長者上個星期去咗轉廣州椿萱茂暨香港九龍樂善堂─粵港養老生活體驗之旅,真係體驗到一小時生活圈嘅養老生活!

          嗰日我哋只係用咗一小時,便由香港到達呢間高端老年公寓,之後仲聽咗個粵港高端養老文化交流會,瞭解廣州高端養老服務資源,亦體驗到全國連鎖養老品牌嘅國際化服務標準同埋設備設施,雖則香港嘅養老服務發展多年,但係見到佢哋普及中老年疾病防治知識同埋傳播科學養老觀念,小弟真係獲益良多。

          當中九龍樂善堂主席楊小玲(中)致辭時話,今次係得到遠洋椿萱茂老年公寓贊助,先得到呢個難能可貴嘅體驗!楊主席仲分享,內地安老院同香港安老院,其中一個分別係內地院舍嘅護理員以年青人為主,因為佢哋有行業階梯、認證、專業資格,而且引入科技等嚟吸引年青人入行,呢啲香港都可以作為借鑒!至於香港嘅安老事業較內地起步較前,經驗亦較多、亦較資深,而且重視個人護理,同埋以跨專業協助長者復康同養老,呢啲亦係內地院舍藉得參考嘅!

        Jacky哥
  
  
回應 (0)
我要發表
user