原來愛唔代表一切

sammi好好人, 佢竟然原諒許志安...

如果係以前既我, 唔會明點解咁都可以原諒。

但佢唱咁多首基督教既福音歌, 我明啦, 可能佢既神令佢原諒出軌既呢個賤男。

而佢如果原諒黃心穎, 就可能因為, 佢知佢太年輕, 原諒年輕人做錯事?

呢幾日睇返sammi以前有咩歌...

我小學時成日聽d大人唱「愛的輓歌」~

小學時有聽過既「寵物」, 同埋中學時有背過既「我們的主題曲」~

原來sammi嚮我童年咁重要, 好多我鐘意既歌都係佢唱架!

我既題目係「原來愛唔代表一切」既意思呢,

係: 人生有太多既野, 當人大左, 要處理既事太多~

少女時期只想愛情, 有好多既期盼, 但到結婚後, 生仔後... 要訓練個仔生活常規、個仔返學同要做功課既時候...

愛情係咩? 好似嚮生命入面變得唔重要? 或者已冇時間冇心力去經營。

正因為咁, 愛唔愛, 或仲有冇愛情,

好似對生命, 或者對生活, 未必重要。

相信sammi既信仰生活比較重要, 可能因為咁, 佢放得低,

唔係「為何永遠放不低」。

愛, 唔代表一切。

sammi好好, 馬明都好好...

雖然sammi會同返許志安一齊, 但我希望, 馬明有新既幸福~

我好鐘意唐詩詠架... 哈哈...

正如, 袁偉豪同岑杏賢散左之後咪仍然揾到新既另一半, 雖然我覺得張寶兒太後生啦。