Kelly Chu
Kelly Chu
Kelly Chu

網民笑稱換咗個「日本仔」 譚仔三哥告別舊商標 全新形象今面世

2019/04/25 04:12:25 網誌分類: 生活
25 Apr
          Kelly平時鍾意食吓譚仔,貪佢快,靚,正,不過快,靚,正之餘,不斷進步,亦係佢哋嘅宗旨。昨日譚仔三哥喺社交網頁facebook發帖,指已經正式同沿用十幾年嘅舊商標告別啦,今日開始正式用全新形象同大家見面啦。網民見到個新商標,有唔同嘅反應,好多人都留言話好睇,但都有人話好掛住三哥。

          三哥同Kelly講,新商標用咗嶄新而簡約嘅設計結合咗舊有嘅元素,除咗標誌性嘅辣椒之外,仲保留埋品牌靈魂人物三哥O添,包括佢嘅粗框眼鏡同埋誠懇笑容,品牌煥然一新之餘,仲不失親切感。三哥更雙手捧上米線,為咗表達對食物品質嘅執着,更代表三哥希望將香、麻、辛、辣嘅味覺享受帶到世界各地嘅決心同堅持咁話喎!

          有網民就話新商標「有丸龜味」、「較順眼」、「有時尚感」。但亦有網民話新商標「黑白色太搶,走辣(中問一劃的辣椒)變咗二哥」;亦有網民好搞笑咁講「判若兩人,好明顯係換咗個日本仔」仲有網民提議 「唔好用咁多黑白色啦」。不過,新商標點改都好啦,味道不變先係真譚仔。

        Kelly Chu

        
■譚仔三哥facebook發帖指,告別沿用十幾年嘅舊商標。p/  
 ■譚仔三哥facebook發帖指,告別沿用十幾年嘅舊商標。

   

回應 (0)
我要發表
user