結算周

4月份於29900上下400點窄幅穿梭殺貼價牛熊

12/4(周五)屠牛445張
15/4(周一)屠熊1688張
16/4(周二)屠牛451張
17/4(周三)屠熊73張

18/4(周四)屠牛113張
23/4(周二)屠牛270張
24/4(周三)屠牛148張.屠熊160張
25/4(周四)屠牛2379張

4月尾港股結算周.慣性走勢月尾3升3跌

26/4(周五)結算前夕

29/4(周一)結算日

30/4(周二)長假期前夕.月結.黑期結算

大位: 29300.29500.29800.30000.30300.30500.30800....

靜候5月爆邊, 向上阻力30280.30500.30800....

30/4~1/5聯儲局議息, 1/5勞動節, 假期前後例牌大龍鳳

大鱷4月中玩跌下彈下, 主力在29900上下400點穿梭(29500~29900~30300)屠殺牛熊, 指數高企但股份潛水, 反映大鱷咬住指數來高位派貨, 今年首季港股反覆上升, 好友紛紛追入買上, 問題就來了, 由於牛肥熊瘦拉住港股後腿, 既然向上受制於30000魔咒位, 沽壓加劇, 大鱷就索性玩插水, 由18/4起大鱷就隊大市落山屠牛殺好友

港股四月下旬回吐, 但餐餐都死唔去, 皆因有月尾結算因素好友力撐, 4月份大鱷力守裂口區29100~29383以及29500整數大位, 因為技術上只要不破底, 後市仍有望破頂爆上30280, 因而吸引大量信技術指標的牛牛聚集在裂口區, 看來要拖到5月才爆邊, 當大市向上屢攻不下, 封了頂, 就可以用頂部來推算向下空間, 頂 - 月波幅, 到時就要插穿29000才夠月波幅

18~25/4大鱷已經連續4天屠牛, 雖然打破了一日屠牛一日屠熊的慣性走勢, 亦接連失守10及20天線呈弱勢, 不過其實大市依舊仍在29900上下400點穿梭, 困在近日的波動區內, 反映升跌幅度仍在大鱷操控範圍內, 要等催化劑出現才有藉口爆邊

撐埋周一結算港股就轉5月倉, 本來按照月波幅4月會上攻30500或插穿29383, 結果兩邊都落空, 皆因月中牛熊分布嚴重失衡, 牛肥瘦熊, 肥牛拉左港股落山, 4月未走完的路, 就要順延至5月

1/4的高台上升裂口29100~29383未回補是後患

4月份向上30280打回頭(炒約900點窄幅, 未有沖上目標位):

29383(裂口頂)+跟3月1300點月波幅=30700

4月份細波幅, 假設5月份大波幅:

(去年下跌裂口頂在30259, 阻力非輕, 如受阻而回就要回補1/4上升裂口)

30200(假設5月頂部)-1300~1500點一般月波幅=28700~28900

30200(假設5月頂部)-1800~2000點大月波幅=28200~28400

如果大市確認見頂轉勢向下, 就會超過2000點月波幅

~~~~~~~~~~~~~~~~~~~~~~~~~~~~~~~~~~~

守住上升裂口29100~29383的陰謀

自從1/4大裂口爆升上企29500, 反覆沖上30280, 其後縱使出現利淡消息, 但大鱷都力守裂口頂29383, 大鱷一直唔補裂口就會令淡友憧憬大市始終會有驚嚇的一棍插落去補裂口, 淡友就會陸續聚集在29800樓上, 不回補裂口就可引淡友入局, 而大市餐餐都跌唔落就令牛牛聚集在29500附近的裂口區, 大市在窄幅上落, 大鱷就玩29500~30300窄幅殺牛熊, 再等消息爆邊, 到時29500樓下以及30200樓上都有肥牛熊, 無論5月點走, 大鱷都有得食大餐

4月下旬港股出現調整, 人人都估早晚會插穿裂口頂29383, 29800樓上熊熊愈養愈肥, 大鱷陰謀得逞, 大可殺完熊熊再落山補裂口屠牛

港股雖然回吐, 不過大鱷於4月份一直守住裂口頂29383, 想以窄幅橫行來代替深度調整, 股民以為跌唔落就會入市接火棒, 全個4月都係炒窄幅來好淡通殺, 所以升跌都不好盡信, 今個月已多次以為大市升就跌, 以為跌就升, 大鱷玩估佢唔到, 玩偷襲來殺倉

17/4高見30178後掉頭回落, 通常跌700~1000點就拗腰, 如插700點見29580, 插千點見29100~29383裂口區, 托埋結算, 5月份29383~30280點都要爆邊, 不進則退, 冇得再拖, 會否回補1/4裂口還看5月

如果5月好友仍想推升, 30/4就不宜收得太高, 目的係降低5月收升的難度, 如果5月都係收升月, 就會在月初創5月低位後反覆推升, 下旬創即月高位, 如5月收跌就會係月初見頂, 下旬才見底

恒指在15/4見高位30280殺肥熊後就掉頭向下, 皆因當時牛熊比例係14199牛 VS 6081熊, 牛肥熊瘦, 如果當時大鱷再推升屠熊就會得不償失, 殺瘦熊就會放生肥牛, 所以由16/4起大鱷就變臉玩下殺, 反覆向下屠牛超過3000張

~~~~~~~~~~~~~~~~~~~~~~~~~~~~~~~~~~~

全城看淡利反彈.逼死淡友才掉頭

美股炒業績屢創新高但港股於4月中沖頂回落皆因上証未能破頂而上, 拖低港股, 政策不利內銀, 基金經理看淡內銀亦壓住大市, 國指亦俾A股拉落山, 而建行及QQ牛重倉亦拖累股份表現, 不過4月尾美元突破98後普遍分析都認為已見頂, 如美元回軟有助穩住港股, 日圓走弱, 未有跟隨美元急升, 當日圓轉強就要小心

4月份大市在30200附近聚頂及托沽, 恒指連日下跌唔少股份都跌到走樣, 明明應要插穿29500及回補1/4的上升裂口, 但指數跌幅竟然不大, 不過大市走勢轉弱就嚇到本來看好持重倉的燈神梁蛇走鬼, 全城看淡反而唔好凈係向下望, 因為通常逼死好友就彈高, 震完就會沖頂, 大鱷又會再係高位派貨出街, 雖然技術指標弱, 不過4月份炒窄幅已成定局, 按照慣性走勢月尾6天不會全升或全跌, 如今已是3跌, 代表未來3天(26~30/4)不會日日跌, 會有反彈, 就算市弱都會升1~2天

4月份港股出乎意料超窄幅, 但港股不可能月月都炒細波幅, 多數會係好淡通殺, 企錯邊會輸屎人, 大鱷利用友邦.內險.匯控.QQ.港交所輪流撐市, 好友或會力撐4月於高位結算, 要留意中移.新地.長和.長建等弱勢成份股的超賣情況, 淡友會否回補空倉, QQ$385是好淡關鍵位, 地產板塊強弱是港股升跌的溫度計,

周線可信度比日線高, 其實港股升跌韻律盡在大鱷的掌握當中, 每逢星期五都係畫周線的大日子, 按照恒指過去兩個月梅花間竹一周升一周跌的模式, 本周(23~26/4)收跌, 隨後一周(29/4~3/5)就會收升, 即係5月首周就要收29600樓上, 5月首周29600~30000就要爆邊, 一係跌穿29600, 一係重上30000, 否則唔夠周波俾短炒大鱷轉身, 想畫番靚條周線3/5最好收29963之上, 因為 4月首3周每個星期五都係收29909~29963

~~~~~~~~~~~~~~~~~~~~~~~~~~~~~~~~~~~

30000大關魔咒位穿梭殺牛熊

恒指於4月份不斷於30000大關穿梭, 高見30280就打回頭, 先後失守10及20天兩條平均線, 不過插穿大位通常不會一去冇回頭, 就算市弱都會彈上去吻別, 如市強就會收復失地再沖頂, 月尾牛熊大貼價, 大鱷話既然唔使爆邊係29500~30300上落都有得開餐, 就磨下炒上落殺貼價牛熊啦! 近來恒指通常有200~500點日波幅, 剛好觸及貼價牛熊, 上落都有得食, 大鱷流晒口水, 以前大鱷都用過上下作勢爆邊卻突然掉頭呢招, 目的係引貼價牛熊入局, 再上攻下殺

向上方面, BB熊大幅下移至貼價29800~30000水平, 具吸引力, 30000~30600熊熊快高長大, 向下方面, 最肥兩串牛在29400~29600, 大部份已陣亡, 目前29100~29383(裂口區)牛唔算肥, 仲要養下先

順帶一提, 踏入4月下旬, 每日收市U盤都係踢高, 代表好友仍未放手, 仍想咬住高位結算, 結算後就要留意收市U盤仲有冇推高, 結算完好友會否縮手

近日港股係俾重倉牛拉落山, 當大鱷食飽牛牛, 樓上熊熊養肥, 牛熊分布失衡情況紓緩, 大鱷就會推番大市上去屠熊, 跌下彈下, 不斷上落殺牛熊, 當29500樓下牛牛或30000樓上熊熊聚集超過四千張大市就會隨時會爆邊, 向下爆就可回補1/4上升裂口, H股受A股牽引, 所以H股好難獨升, 想破頂就要上証配合才能成事, 因為中港股市通常係同步見底頂,

今個月恒指低位29383(1/4), 高位30280(15/4), 只要月尾最後幾天冇插穿前底29383, 全月計就係呈先低後高利好形態, 代表今個月恒指會收升, 即係在29051樓上收, 好友防線在29500, 如失守不妙

目前好友的優勢在3及4月已消化不少沽壓, 5月初或會有貿易戰達成協議的利好消息, 再加息陰霾盡散, 樓價指數連升兩個月仍未有見頂跡象, 利好地產板塊, 好息之徒或會追入除息股,

淡友優勢就在美元強勢, 貿易戰的不確定性, 大量除息股拖累期指大低水超過200點, 或會率先回補1/4裂口, 以及國指及上証技術上走勢已轉弱, 恒指連升4個月, 月月有新高, 但統計上5月收跌機率高, 如5月無法再創新高, 上面封了頂, 獲利沽壓就會加劇

~~~~~~~~~~~~~~~~~~~~~~~~~~~~~~~~~~~

高處不勝寒.5月窮不窮?

今年港股牛氣沖天, 由年度低位彈逾五千點仍高企不下, 有北水亂港, 港股好多時都唔跟技術指標, 皆因大鱷大媽操控大市能力係神級, 竟然能夠將4月份恒指一直困在900點的超窄幅內, 最得人驚係大鱷將大市點穴都唔使捱餓, 上攻下殺將貼價牛熊一掃光, 大鱷正趴街, 呢種市況玩死燈神梁蛇及伍蛇等技術派, 唱好就跌, 唱淡就升, 皆因900點月波幅太窄, 相對200~500點日波幅又太闊, 急跌轉頭就急彈, 急升轉頭就大跌, 頻頻轉向大鱷才能獲得最大利潤

但當技術派以為大市走出方向, 結果郁一兩棍大市就轉向, 做好做淡都跟唔切大市的節奏, 加上港股走勢多數跟上証, 亦令港股市況更難測, 4月份大鱷刻意唔炒單邊升或跌, 玩窄幅, 港股高處不勝寒, 明明高台上升裂口多數會回補, 但大鱷卻用拖字訣一直唔插穿29500來補裂口, 目的係唔俾股民捉到路, 想好淡通殺, 不過根據統計5月收跌機會率超過七成, 過去10年7跌3升, 過去20年15跌5升, 今年5月又會如何? 在5月魔咒下, 恒指月線連升會否斷纜呢? 去年5月份港股係大幅波動, 不斷急升急跌, 最終5月收跌

大鱷玩似升非升.似跌非跌呢招令股民頻頻企錯邊, 大鱷就不斷蠶食股民的血汗錢, 指數跌下彈下方向難辨, 有一個散戶指標值得參考, 當身邊炒正股的親友頻頻獲利, 代表市況向上, 當親友輸多贏少, 代表市況向下, 4月份散戶輸多贏少, 指數升股份向下

寫 [9~10/4 暗湧+利淡訊號 ] 網誌時高見30222, 當時覺得指數向上.股份向下, 大市有點變味, 其實當時大鱷大媽正在沽貨撤退, 指數其後再創新高30280只係假象, 係掩護派貨的手法, 但大鱷唔想落山回補裂口嚇到散戶唔敢入市, 所以自從4月初上企29500就一直力守, 其後不斷挑戰30000水平, 縱使突破亦走不遠, 反映30000樓上沽壓沉重

月尾內地五一黃金周, 北水關閉, 港股通29/4~3/5暫停, 大媽於長假期前密密沽貨套現, 亦係港股近日落山的其中一個原因, 不過當29/4(周一)起港股通關閉, 大媽冇得經港股通走貨, 大市沽壓或會減輕, 港股成交例縮, 大鱷操控大市就更容易, 五一黃金周內地休市, 港股自由行, 冇左A股的制肘, 港股升跌就由大鱷掌舵, 貼價牛熊命危

今年1~3月恒指皆收升, 已連升3個月, 如4月續升, 即係30/4收29051樓上, 就係連升4個月, 5月想收升難度更高, 因為4月尾至5月尾係業績公布期, 醜婦見家翁, 升過籠的股份會見沽壓, 不過績優股亦會受青睞, 而5月亦是大量藍籌股除凈的月份, 除息股或會受追捧, 不過技術上由29/4起期指會呈大低水約220點, 會拖低期指, 要5月下旬陸續除凈後大低水情況才會紓緩, 如無法大幅拋離29400水平, 期指就會比現貨先行回補1/4的上升裂口, 所以如果大鱷唔想隊穿29400補裂口就要推番大市上29800, 31/5 MSCI 調動, 5月下旬相關股份會受影響

~~~~~~~~~~~~~~~~~~~~~~~~~~~~~~~~~~~

逼死好友就彈高.燈神看淡做淡利反彈

26/4(周五)燈神梁蛇市前評論: 本來在30000附近仍不斷追貨, 持重倉的燈神見港股連日下跌就走鬼, 大市一路跌梁蛇就密密大手減倉並唱淡, 持貨降至約四成, 叫粉絲走貨做淡買跌, 不要做好買上, 上次梁蛇在29000樓下走鬼, 港股就反彈

燈神可能忘了29/4(周一)期指結算, 現時唔少股份都超賣, 月尾6天不會日日跌, 燈神唱淡相反指標係利好訊號, 如連跌斷纜利好, 代表港股反彈在望, 死貓彈完再尋底

=================================

燈神相反指標準到冇朋友:

25/4開市前燈神梁蛇預測: 日線圖形勢已變得顯著向淡，大家實在不應低估淡友大戶的進攻誠意。

結果: 恒指連升兩日, 由29504急彈上29917, 挾屎淡友

梁蛇唱淡恒指卻連升兩日, 睇錯市, 急忙轉口風唱好

30/4開市前燈神梁蛇預測: 觀乎即市圖顯著向好的形勢，即市好友大戶的進攻誠意不容被低估。估計好友大戶可於今天控制大局

結果: 恒指由高位29917碌落29620, 收市大跌193點, 嚇屎好友

梁蛇唱好港股即插, 恒指失守10及20天線

燈神重倉大市掉頭插水, 燈神走鬼大市止跌回升

燈神看好30/4, 結果恒指跌193點, 燈神看淡5月開局, 認為會大插, 並表示已於港股4月尾反艇時大手減倉走鬼, 燈神信心滿滿等大插, 相反指標係港股會彈高高, 結果5月開波恒指急升245點, 收復10及20天線, 2/5港股彈高但燈神仍企硬看淡係利好訊號, 好友今次有運行, 近日燈神相反指標好準, 燈神預測大市插水代表港股會大彈高, 結果5月首周恒指彈高, 收復前周的失地

燈神再唱好港股危

好友弊傢伙了, 港股2~3/5連續兩日彈高後, 淡友燈神轉口風唱好, 話形勢顯著向好, 仲話好友已控制了大局, 有機會破頂, 連本來看淡落29200的石石見恒指上企30000口吻都軟化, 叫粉絲現價入貨, 有貨就等再上才沽出, 基金經理黃蛇本來保守亦向上望, 5月開局連升兩天, 看來大鱷已成功嚇退淡友, 5月開局連升兩天, 恒指重上30000大關, 全城由看淡變晒看好, 通常單邊睇同一方向多數會出事

港股已經俾大鱷大媽操控上落, 升跌都好假, 分析已變得冇意義, 逼死好友就彈高, 逼死淡友就插水, 大鱷係追住好友淡友來殺, 無論做好做淡都要死, 散戶就買到成手蟹, 就算指數升, 股份仍跌, 就算近日港股大反彈, 但下跌股份比率卻高企, 唔少股份都唔跟升, 繼續捱沽, 只係大鱷夾硬推高指數來殺淡友

恒指於10及20天線穿梭靜候大媽回歸

趁內地五一黃金周休市冇左大媽的沽盤, 大鱷就博大霧推高港股挾淡殺熊, 5月第二周大媽回歸, 港股表現就要看上証, 以及大媽會否經港股通走貨, 如恒指跟近來周升周跌的韻律, 首周(29/4~3/5)收升, 第二周(6~10/5)就要收跌

港股今次反彈, 恒指上企10及20天線, 但由於上証反艇, 拖累國指走弱, 國指仍在10及20天線之下, 亦拉住恒指後腿, 整體牛熊分布係牛肥熊瘦亦壓住大市, 現時上下關鍵大位都分別有超過四千張牛熊, 時辰到了, 下周一內地復市, 當天轉節氣立夏(立下)變盤日, 非生即死, 不進則退, 一係飛天一係遁地, 周一(6/5)升跌對5月份港股具啟示作用, 順帶一提, 去年5月份港股係大幅波動, 不斷急升急跌, 追住牛熊來殺, 最終5月收跌