鯉魚門「仙氣」 原來係平流霧
2019/05/16 04:12:22 網誌分類: 生活
住海邊嘅朋友噚日早上有無發現窗外白茫茫一片呢?原來呢啲叫海霧,噚日天文台喺社交平台話維港東面鯉魚門附近出現海霧,由凌晨四點去到差唔多早上十點先散,有冇打工仔返工都見到?
小妹問過地下天文台台長方志剛,原來呢隻霧叫平流霧,大範圍溫暖潮濕空氣經過較涼嘅海面或者陸地時,空氣冷卻就會形成霧,香港春天成日有,大家今次錯過,下次仲有好機會見到。平流霧好多時都由維港東面即鯉魚門進入,住嗰頭嘅朋友可以留意下。小妹亦都八到,呢種霧唔同由微粒形成嘅霧霾唔一樣,平流霧只係水滴與污染無關,大家可以放心,不過就會比較潮濕,住海邊嘅朋友記得要開大個抽濕機啦。
Kelly Chu
回應 (0)
我要發表