李慧詩進修寫作向作家之路奮進

2019/05/23 04:12:17 網誌分類: 生活

23 May

        　　「牛下女車神」李慧詩一直係Kelly嘅偶像，佢今年發揮出色，贏咗亞洲場地單車錦標賽女子爭先賽金牌、場地單車世界盃紐西蘭站個人賽同競輪賽嘅金牌！即使喺單車賽場上有咁輝煌嘅戰績，佢仲持續為自己增值，前年起喺大學修讀「創意及專業寫作」學士課程，Kelly好支持佢向作家之路進發。

         李慧詩喺facebook分享自己正在昆明高原訓練近一個月嘅點滴，話自己由細到大都好動鍾意蹦蹦跳跳，亦鍾意思考同寫作，佢前年起喺大學修讀「創意及專業寫作」學士課程，多咗機會接觸文學作品，真係動靜皆宜！

        　　佢話︰「意義的人生是不斷自我增值，在生活中尋找新鮮感。」小妹表示好認同，支持佢向寫作之路奮進。佢又呼籲大家同佢分享故事，好多網民都熱烈響應，個個都鼓勵同讚李慧詩，正能量爆燈！

        Kelly Chu