20190525「長期運桔的河馬仔賽馬專欄」

上年累績 : - $168900

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今次又來運桔，搵場第七場三班千二米三T尾關。

【春花秋月】一向好驚呢類外國未勝但又運來香港後一出即勝的馬匹，例子有同廄隻【得勝駒】，真係跟WIN跟到瘦，初出未贏仲有隻【會長之星】亦一樣時好時壞。此駒第一場贏到好似冇馬跑咁，但該場對手及後在同程戰績好的實在不多，只有隻該場失準的【友瑩囍】及後跑同程轉好。上場一多馬放之下一亂就可以跑到毫無威脅，而今場又突然放不少物件上頭之餘，今場放頭馬同樣非少，如不幸地隻【友瑩囍】同時拍住呢隻細粒馬隔離，再負頂磅的牠能否順利克服未必易事，大熱門博呢隻我會有點戒心，畢竟上場的表現感覺意外地弱。

【地大大】泥地其實有路程，之前跑同程第四對手當然不弱，但可惜自己及後在泥地加分極多，而此駒感覺上就算在泥地也是檔好較佳，檔一外再加草地就算用見習生也比上次跑同程難度更高。

【德勝門】個種應好早質素應非弱旅，外地最後一戰狂放而勝，但在香港就算冇眼罩試閘都有少少挨馬問題，在外地之敗仗也曾出現此問題，一放唔出此駒可以幾論盡的，等有一日轉見習生可博也。

【順意寶】同程曾近，但該場落大雨，本身傷患相當多，而谷草明顯較佳，久休後RUN一場會較安心。

【友瑩囍】博兩場都係短兵相接隻馬就又挨又縮，本身跑到呢個分都試過企係度，上場都唔知點解會冇Q，30日內的第三場硬仗要防過勞。

PREPARE FOR THE WORST， HOPE FOR THE BEST。

20190525「河馬仔賽馬專欄」真金白銀投注紀錄