中大舊同學大讚最佳人選 故宮首任館長 吳志華係烹飪高手
2019/05/29 04:12:14
網誌分類:
生活
現任康文署副署長嘅吳志華，將喺今年八月五日出任香港故宮文化博物館館長。管理局董事局主席唐英年同故宮文化博物館董事局主席陳智思都讚佢好優秀。
吳志華係中大人，同前行政長官辦公室新聞統籌專員何安達曾一齊喺新亞書院學生會任骨幹。早排中大一班舊生聚首一堂，何安達由加拿大飛返香港加入，各人都話吳志華係做故宮文化博物館館長嘅合適人選，當時佢笑而不語！昨日佢出任館長嘅消息一傳開，中大舊同學都替吳志華高興！小妹仲八到，原來吳志華好叻煮嘢食，平時佢請舊同學去佢宿舍，親自下廚，而家佢轉咗職位，可能要搬屋，唔知幾時班舊同學又可以去佢府上試吓佢精湛嘅廚藝呢！
KellyChu
■康文署副署長吳志華將喺今年八月五日出任香港故宮文化博物館館長。
回應
(0)
我要發表