股東會贈書冊勉勵後生仔 四叔致富秘笈：不宜早婚
2019/05/29 04:12:20
網誌分類:
生活
四叔李兆基創立恒基地產嘅成就係人都知，好多人同Kelly一樣好想知佢成功嘅秘訣，而四叔都好大方咁分享佢心得，事關佢昨日最後一次以主席身份主持股東大會時候，向在場人士贈送禮物，裏面唔單止有朱古力、同包裝盒印有「財源廣進」嘅錢包，仲有一本「時光印記，大愛傳情」書冊，書冊印咗四叔嘅處世語錄，裏面行善、財富、營商之道同處世六字真言等。不過，小妹最關心梗係四叔教後生仔點樣發達啦！
四叔畀咗四個建議後生仔︰要刻苦耐勞勤奮勉力，所謂吃得苦中苦，方為人上人；經濟未定，唔好早婚；要賺第一桶金；最後係男最怕入錯行女最怕嫁錯郎咁。小妹覺得四叔教後生仔唔好咁早結婚真係好有趣，但原來係大有道理，四叔係書冊裏面解釋話太早結婚就有家庭負擔，要養兒育女同供書教學，好難有錢剩！Kelly覺得好有道理，一定要Mark低！
KellyChu
■四叔退休後，閒時同孫仔打乒乓球，兩爺孫玩得好開心。
■四叔送贈的書冊，入面印咗四叔嘅處世語錄。
回應
(0)
我要發表