30~31/5 尋底屠牛之旅

恒指先高後低, 單日轉向呈陰燭, 國指受制於10天線及10500收窄升幅

30/5 周四恒指收報27114, 跌120點(最多下跌215點)

國指收報10450, 升59點(最多上升92點, 一度下跌17點), 國指連續兩日大幅跑贏恒指

結算價: 10430 ／ 27100

明日內地公佈官方製造業PMI, 唔慌好啦! 加上周末沽壓效應, 又係大龍鳳的日子, 要綁好安全帶, 呢幾日如果冇趁大市閃上去走貨或做淡就錯失良機了, 近來每周都會有新低

大鱷為了屠牛追數今日又玩沖高回落, 殺牛869張, 26500~27000牛快高長大, 小熊亦大幅下移, 牛熊都在屠殺範圍, 上落都有得開餐, 按照月尾3升3跌的慣性走勢, 國指3升已達標(所以明日收跌居多), 但恒指勢弱只係2升, 反映恒指沽壓較大, 本港銀行同業拆息續升, 近日地產股拖低大市, 地產股係港股溫度計, 地產股弱, 港股就死得,

大鱷正在托沽及養牛熊(指數+個股), 唔少個股博反彈盤進場, 大鱷得以咬住國指10400水平, 皆因上証本周收升已無懸念, A股升就穩住了H股, 但傳統大藍籌洗倉情況加劇, 所以本周恒指較弱, 大鱷就乘機落山屠牛

恒指續創新低27020, 但人民幣收升, 港匯走強, 上証本周收升, 所以國指造好冇創新低, 內銀內險彈高力撐大市, 呢幾日守得住27000全因結算及大媽掃貨, 以及阿爺推出利好政策, 上証雖然收跌, 但已是連續3日收2900樓上, 人仔上升, 今日老外走A股沽盤收斂, 明日黑期結算, 基金月結

港股今個月的月波幅已超標完成, 所以大鱷略為跌穿前底就勒住跌勢, 刻意玩陰陰跌, (過去幾日低位27230.27178.27105.27020), 目的係扮跌唔落, 俾時間牛牛入局, 亦要引熊熊下移, 失27300下一站26800.26500, 燈神堅持看大彈高已經講左幾日, 相反指標係利淡訊號, 結果真係日日跌, 結算後好友托市誘因亦消失, 期貨受除息拖累已失27000, 現貨亦好難再守得住27000

大市雖然嚴重超賣卻彈唔起, 皆因沽壓沉重, 好友要等利好催化劑做藉口才能抽高, 否則一彈上去就會俾沽盤推番落黎, 其實以量度跌幅國指亦已超標完成, 理應會有死貓彈, 但就俾大鱷點穴來養牛引好友, 日前MSCI調整結束後, QQ及內銀內險減比重沽盤消失, 所以過去兩日相關股份跌勢放緩, 以及見買盤進場, 港股得以作出死貓彈, 可惜升幅不大

按照慣性走勢今晚美股會收升, 因為由3月中起道指兩連跌例彈, 不過今次中美反檯, 加上美國債息倒掛, 意味著美國經濟有衰退風險, 美元高企都利淡股市, 會削弱美股反彈動力, 要穩住中美股市港股才有喘息的機會, 港股即市多數跟上証, 今日期指結算, 明日已經係6月倉, 小心港股要繼續破底, 6月要碌落山, 因為今年升左4個月, 不會跌1個月這麼快就見底

~~~~~~~~~~~~~~~~~~~~~~~~~~~~~~~~~~

人民幣走弱拖低中港股市

中港股市後市就要睇實人仔, 如人仔弱勢持續利淡大市, 今次跌浪唔簡單, 低處未算低, 唔好估底, 洗倉走鬼市通常唔跟技術指標的支持位, 當沽盤湧現大市就會破位而下

今次跌浪恒指通常抖一日, 最多抖兩日就會破底,

市弱創新低多數係星期四五, 尋底市每周都會有新低, 短線目標26732, 如失, 下一站26500

技術大位:

恒指回吐升幅0.5倍黃金比率見27410已插穿, 去年12月初雙底頸線在27260, 如失, 下一站為25/1上升裂口27121~27217, 不容有失, 如未能穩守, 就要落27000.26800, 如回吐反彈浪升幅0.618倍見26732, 向上方面, 下跌裂口阻力在27523~27640

30/5期結後6月期指會受除息拖累呈低水, 就好難保得住27000, 連27000都失守亦會進一步打擊市場氣氛

中美反檯, 港股無可避免要碌落去27000.26800.26500.25960~26192(9/1上升裂口),

國指回吐升幅0.618倍見10571已插穿, 近日力守10400, 如回吐反彈浪升幅0.786倍見10215, 亦為9/1上升裂口10182~10270所在, 向上方面, 下跌裂口阻力在10504~10588

港股低開低走呈陰燭, 繼續尋底屠牛之旅

31/5 周五恒指收報26901, 跌213點(最多下跌264點, 一度上升40點)

國指收報10387, 跌63點(最多下跌85點, 一度上升50點), 國指跑贏恒指

恒指於短短一個月已回吐過去4個月升浪超過一半升幅, 災味甚濃, 大市雖然超賣, 但餐餐都彈散, 仍未有見底跡象, 今個月大鱷冇玩直插落26500及26000目的係預留多些下跌空間俾6月, 亦可吸引多些牛牛入局才殺, 收跌月多數係月初見頂, 反覆下跌, 下旬才見底

要留意關鍵大位, 股災走鬼市通常好難守得住支持位, 可能會在26800.26500窒一窒扮跌唔落, 跌下彈下來殺及養牛熊, 大方向都係要落山, 縱有死貓彈/後抽亦會俾大位攔路, 向上阻力27000.27300.27500, 今年恒指最長跌浪係五連跌, 港股嚴重超賣, 要等好消息做助力才能彈高

地產板塊弱, 港股不會好, 近日地產板塊追跌拖低恒指, 大鱷就咬住國指10400來撐市, 想拖到上証止跌回升, 到時就可借勢推番港股上去殺埋正在不斷下移的熊熊, 所以上証一日未見底, 港股都係彈散容易彈高難, 市弱多數係高位一瞬即逝, 逆勢博反彈要手腳快,

過去幾周恒指慣性走勢係每周都會有新低, 預示下周會插穿今日低位26850, 近日國指走勢明顯勝恒指, 國指冇插穿前底10316皆因本周上証收升撐起國指, 但恒指只係落到26850仍未到短線目標, 要下試26732或26500才到短線目標, 到時或會出現後抽, 但中港股市通常係同步見底頂, 港股要上証配合才能作出死貓彈, 否則只會彈散

恒指

50周線27635

去年12月初雙底頸線27260

回吐反彈浪升幅的0.618倍26732

9/1/2019上升裂口25960~26192

250周線25367

國指

回吐升幅0.618倍見10571

下跌裂口阻力在10504~10588

回吐反彈浪升幅0.786倍見10215

9/1/2019上升裂口10182~10270

~~~~~~~~~~~~~~~~~~~~~~~~~~~~~~~~~~~

港股低處未算低

今次大跌浪係國指領跌, 所以率先於27/5創5月低位10316, 而恒指要補跌, 所以今日(31/5)才創5月最低位26850, 中美雙方企硬, 狂人把口臭到不得了, 唔俾下台階, 即係冇得傾, 中美大戰開火吧! 港股低處未算低, 做淡仍有可為, 今個月淡友肥過豬頭, 一洗首季的頹風, 相信淡友會得勢不饒人, 6月繼續落山殺好友

大鱷真係神級, 過去幾日刻意守住27000來養牛, 今早再磨多半日, 見養肥了就殺, 插穿27000食完26850~27020牛之後, 就特登唔插穿26800, 因為貼價牛死了就冇得再成長, 係殺雞取卵, 所以大鱷忍忍手, 只係食少少, 其他就等養肥下周再殺, 窒窒步跌俾時間牛入局, 港股彈唔起, 熊熊亦不斷下移, 當牛牛死得七七八八, 等市場出現利好消息就可借勢彈上去屠熊, 如此一來, 就可拖慢下跌步伐, 跌下彈下, 好淡通殺

燈神買上博反彈, 日日唱彈高, 港股就日日食彈散, 從陰謀論的角度來看, 港股嚴重超賣, 但每次反彈都係高位一瞬即逝, 係大鱷唔想俾牛牛逃生, 所以壓住大市, 大鱷認為只要大市超賣持續, 淡友就會有戒心, 會止賺或唔敢加注造淡, 而博反彈的好友見超賣就會湧入, 大鱷就可乘機屠牛殺好友, 殺之不盡

連基金經理都無心戀戰, 對港股死心, 怪不得成交縮

27/5/2019 豐盛金融資產管理董事 黃國英: 少了人炒股票，波幅應該會愈玩愈縮。哀莫大於心死，雖然偏向睇港股短期快將反彈，但已經沒有特別興趣去部署，寧願等位減持撤退，稍後繼續將注碼搬向美股。要投資中國，也是集中在龍頭科網股便算

鼎展金融集團研究部高級分析師劉宇亮: 筆者認為影響港股六月走勢有兩大重要轉捩點:

一)美國會否對餘下3000億中國進口貨品加徵25關稅%，美國將於6月中旬就建議舉行聽證會，到時將會有表決，這將關乎人民幣匯率會否跌破7算起關鍵作用，而中國已表明以反制措施制衡。

二）中美兩國元首會否在6月底在日本舉行的G20峰會上舉行習特會2.0？尤記得上年市況持續不佳，大市在10月底24540見底，在11月反彈了超過2700點，催化劑正正就是上年11月底在阿根廷舉行的G20，市場憧憬習近平和特朗普在中美貿易戰開打後第一次會面，結果雙方在會面後達成三個月停火令協議。

特朗普稱6月18日將會宣布競逐連任2020年展開的第二個總統任期 (元帥: 正所謂狗口長不出象牙, 未來幾周賤種桶必定會大開臭口來造勢, 繼續得勢不饒人地打壓中國, 正一趴街)

美國考慮到海關執法及中美海運所需時間, 宣布延長向總值2000億美元中國貨加徵關稅的寬限期, 6月15日前運抵美國港口的中國貨品將維持10%的稅率, 原定最後期限為6月1日