人民幣破七

我非常慶幸自己在4月高位29936跌落時候已經沒有貨，又忍得手中間沒有買貨，真是非常因感恩，因為有時候就算睇得到，但係會控制唔住自己，又或者信人哋唔信自己。中美大戰突然間轉得咁激烈，有貨都嚟唔切掟，我相信大部份人初頭都係諗住睇吓先，點知睇吓睇吓跌咗咁多更加唔捨得斬，但係你估個市就算有得彈，會彈幾多？

啱啱今日睇到新聞？，人民銀行貨幣委員會長余永定上週三表示人民幣破七中國不會出現大問題後，周小川亦表示，七不見得要當做事匯率的底線，匯率也不必過分關注所謂整數位。咁即係話俾你聽，人民幣預備破七囉。

冇計啦，人民幣為咗增加競爭力冇可能一路維持強勢，但係你估到時股市會點呢？嗰啲成手貨嘅人真係唔知點算。

我之前寫過，七月23,000 ，依家真係好可能會實現，跟住會點呢？我而家睇到嘅係然後反彈至25000（梗係唔係七月啦 ），跟住再跌，年尾大概係24,000 ，出年年頭會彈下，但係出年大趨勢係向下2020年尾係大約20500。

睇吓以後啱唔啱，如果真係啱嘅話，我自己都會嚇一跳。

 不過老實講雖然我睇到，但係我自己都估唔到五月個巿真係突然會急轉彎，所以話呢真係好彩，因為人有時係唔信自己㗎嘛，尤其我記得當時好多人都話牛市重臨啊，所以其實信唔信自己，又或者你信是但一樣野，都係運氣，希望我會一路好運落去啦

又啱啱睇到一段新聞，原來同美國個Fox財經主播辯論的央視女主播，丈夫同仔都係外國人，而佢自己話佢自己係中國籍並無其他國籍，你信唔信？就算依家未係德國籍等，第日要搞都應該唔難。講到自己咁愛國點解唔嫁中國人？最好笑佢係話中國公民移民海外只要合法合規無可厚非，留在中國的也不一定都愛國。

她洩露了心底的想法。

她認為移中國人要移民民係無.可.厚.非。

她很坦白告訴你留在中國的不是因為愛國.....係因為窮呀！