逃犯條例加人民幣

咁啱我前兩日先講大陸要通過逃犯條例，目的是什麼，傻嘅都知。大陸佢冇理由估唔到有錢佬會走路。咁我哋偉大嘅國家會點做呢你估？我我估佢就要做嘢嘅話就會好快，以免啲人走晒咁佢點掠水？咁你估有錢佬走得快啲定係大陸做嘢快啲？

資金好快走的話，股樓個個走資。咁樣香港嘅股市會唔會好似日本咁衰咁多年都上唔番最高點？如果係咁嘅話買股票黎做乜？現金為王，我畫出嚟由而家到出年2020年整年都係跌，我依家終於知道點解，成真的機會好大，我估逃犯條例加埋中美大戰真係可以解釋到點解會跌到惾。

前兩日講講人民幣，琴日破7今日又聽到有大陸官員講人民幣可以跌跌，明顯大陸係比緊心理準備，大陸係冇可能唔將人民幣咁低，人民幣跌香港股市跌，星期一反彈有限？人民幣跌你係一個趨勢，真係咁多樣嘢加加埋埋，股市跌到2020年底真係唔奇，本來我初時都唔係咁信我自己畫到咁樣，但依家越來越多跡象顯示會成真，如果真係嘅話你話係咪好神奇？

你睇美股反彈1400點，但係香港反彈幾多？大約三百點已經好明顯了