「水上的士」招標明年遊船河賞維港

2019/06/10 05:12:18 網誌分類: 生活

10 Jun

        　　維港兩岸嘅海濱係市民同旅客休憩嘅好去處，Kelly最鍾意喺尖東海濱長廊睇嘅日落美景。財爺陳茂波（見圖）昨日發表網誌話，政府計劃招標「水上的士」服務，小妹聽到都開心，好快可以搭「水上的士」穿梭維港，一邊遊船河，一邊欣賞維港兩岸嘅美景，就好似意大利水鄉威尼斯嘅搭「水上的士」同「水上巴士」咁浪漫。

        　　財爺陳茂波喺網誌話，政府正計劃推出「水上的士」服務，畀旅客同市民係維港兩岸唔同地點上落，乘船飽覽維港景致。當局準備今年下半年招標，預計「水上的士」明年投入服務。

        　　陳茂波話，中環新海濱除了供休憩之用外，仲同時提供理想場地以舉行唔同活動，包括已先後三次成功舉辦嘅電動方程式錦標賽。政府正積極與主辦機構商討，繼續喺香港舉行賽事。Kelly又要撲飛睇比賽嘞！

        Kelly Chu