拍《九龍不敗》嚇親 劉心悠 鄧麗欣讚張晉人品好又搞笑
2019/06/10 05:12:42
網誌分類:
生活
拍開藝術電影的導演陳果，難得挑戰武打動作片，有份兼任編劇的他，今次創作純以人物行先，由主角「九龍」的紋身開始講故事，片中更有連場逼真的打鬥場面。
張晉心病因Stephy
劉心悠在戲中飾演富二代中醫師，張晉是他的病人，她說：「因為佢有啲嘢擺唔低，所以我用針灸幫佢醫治。期間覺得佢個人幾信得過，所以唔介意幫佢搞掂晒啲麻煩嘢，因為我有錢嘛。」而Stephy接着說：「點解佢（張晉）會有心理問題，就係因為我，我演女警，又係佢女朋友，有次遇到變態殺人狂，佢專殺女警，唔好彩我係遇害嘅一個，張晉本身已經查緊呢單案，未婚妻遇害後佢更加失控，所以就要搵心悠。」
晉哥哥原來好幽默
心悠及Stephy均是跟張晉第一次合作，拍攝前她們心想：「佢咁cool會唔會令人有啲驚、唔敢同佢傾偈呢？」接觸過才發現是相反的，她們不約而同覺得張晉好親切，心悠仲大讚：「晉哥哥其實好幽默，佢成日講啲Gag我係諗幾秒先知佢原來講緊笑。」Stephy續說：「佢仲好識照顧人，同佢傾完偈一啲都唔覺得佢Cool，可惜今次冇機會喺現場睇到佢拍打戲。」
心悠難忘撞花名車
雖然電影屬武打動作片種，但Stephy完全不用打。她笑言：「片中最大嘅動作就係着住婚紗跑步。」講到遇害情況，Stephy坦言幾恐怖，「我喺車入面追緊個兇徒，個畫面都幾血腥，所以拍嘅時候都幾驚。」心悠為演好中醫師一角，拍攝前特別去請教中醫師，她說：「因為把脈係好專門嘅學問，另外我覺得最難係揸快車，因為嗰架係Porsche，導演叫我放馬去，但我驚刮花架車，所以心理壓力都好大。結果我真係刮花咗，跟住我見到導演摸住花咗嗰個位，嗰場戲都好難忘。」
主持：黃柏高 統籌：林永匡 協力：李佩儀 攝影：袁東亮、謝民光 場地：喜之次
黃柏高
■Paco與鄧麗欣（左）和劉心悠大談拍攝時的趣事。
■劉心悠在戲中用名車開快車，她表示壓力好大。
■鄧麗欣表示拍攝時最大的動作是穿婚紗跑步。
■鄧麗欣和劉心悠首次與陳果導演合作，覺得他能給演員清晰方向非常好。
■飾演中醫師的劉心悠，為張晉治療心理病。
■鄧麗欣在戲中與張晉是情侶關係，惜最終不能修成正果。
陳果拍動作片，真係未睇過，係咪要挑戰自己呢？