11~12/6 暗湧~好淡通殺

2019/06/11 18:39:32 網誌分類: 經濟
11 Jun

港股高開高走呈陽燭, 連升4天, 大舉屠熊, 惟沽壓湧現, 受制於27800

11/6 周二恒指收報27789, 升210點(最多上升279點, 一度下跌1點), 收復250天線

國指收報10620, 升93點(最多上升134點, 一度下跌16點), 收復20天線, 國指跑贏恒指

暗湧~指標股見頂回落.連升後沽壓大增.臨危托沽格

中港美三地股市通常係同步見底頂, 中美股市走勢形態具啟示作用, 所以炒港股就要留意外圍股市表現, 就知港股何時見頂, 昨晚道指連升6天, 創今年最長升市記錄, 不過要慎防今晚升勢斷纜就會拖低港股, 因為昨晚道指走勢差劣, 沖高回落, 收窄升幅, 近全日最低位收, 美股午後沽壓加劇, 代表連日急升後獲利盤出籠, 同樣地, 今日港股進一步攀升, 全數回補23/5的下跌裂口, 但連升4天後獲利沽壓隨即湧現, 唔少股份都沖高回落, 即市走勢類似道指

今日港股創即月新高大舉屠熊後, 表面上指數雖然高企不下, 但其實有暗湧, 午後買盤縮手, 沽壓大增, 唔少股份都急回, 收窄升幅甚至倒跌, 特別是近日炒減息而急升的地產板塊回得特別急, 同樣代表獲利沽盤湧現, 多隻指標股見頂回落, 看來大鱷正在托沽走貨食胡, QQ及地產板塊係港股溫度計, 今日雙雙見頂回落, 連今日走強的內銀臨收市沽壓亦加劇, 在升市出現呢種走勢唔係幾對路, 代表今日高位27857可能已見反彈浪頂, 27800關鍵大位攔路,

港股連日急升後超賣情況已消化, 14RSI重上45樓上, 即係大市有條件再跌過, 吻別250天線就要落山, 向前底26672進發, 不過要養肥牛牛才會插穿大位26800, 目前該區只得瘦牛(12/6後記: 地產股反艇原來係因為早前由高銀金融投得的啟德商業百億地王撻訂收場)

按照恒指慣性走勢, 月初會創該月高位, 然後落山, 如該月收升, 月中回吐, 月尾就會反彈, 相反, 如該月收跌, 月初見頂後就會碌落山再創新低, 換句話說, 無論今個月收升定係跌, 沖頂打回頭都要下試前底26672,

昨晚adr港股已率先作出回吐, 代表港股已升到水尾, 但大鱷為了屠熊, 今日夾硬伸多一腳上去續創即月新高, 吻別250天線及屠熊, 真係陰毒, 餐餐都係逼死好友就彈高, 逼死淡友就插水, 其實由低位26672反彈至今日高位27857, 升幅1186點, 已足夠水位俾大鱷轉身, 大鱷散水亦在預期之內

好明顯近日港股只係技術性反彈及挾淡, 因為消息面仍淡, 連陸蛇都話今次只係反彈, 唔係轉勢向上, 中美罵戰愈演愈烈, 狂人獅子開大口威逼中國就範, 阿爺白皮書企硬不讓步, 正路中美反檯居多, 本周兩日大升但成交只得約$900億, 虛火乾升,

港股升跌由大媽大鱷操控, 升跌都好假, 由23/5~4/6, 九天殺牛7439張, 跟住急彈, 10~11/6短短兩天就殺熊7985張, 變臉極速, 食完牛扒就轉口味, 掉頭上攻食熊掌, 當食飽肥熊, 牛牛亦養到肥肥白白, 又再插過, 好淡通殺, 往後如作出調整, 回補10/6上升裂口26984~27155就代表反彈浪結束, 要再尋得底部才能重拾升軌

~~~~~~~~~~~~~~~~~~~~~~~~~~~~~~~~~~~~~~~~

頻頻以極速轉向.好淡通殺

一般來說, 上周港股插落26700後出現反彈訊號, 散戶多數唔敢博, 但見昨日港股爆升就後悔, 但仍驚驚縮手, 到今日上企27500殺埋上250天線就會誤以為係真升, 反而會手痕高追, 慢幾拍升到水尾才入貨多數會艇, 因為大鱷大媽今日已經出緊貨, 大鱷放風話習特會有好消息目的係推高大市殺淡友, 逼死淡友就插得

早前已經話基金經理黃蛇表示哀莫大於心死, 會趁反彈再減持港股, 今個月基金半年結, 5月輸到趴街, 6月仍立立亂, 狂人日日爆臭口, 股市風高浪急, 大幅波動, 恒指已經反彈跌幅的三分一, 重上27500打開逃生門, 你估基金經理趁反彈走貨抑或係追貨持重倉呢? 散戶坐艇成手蟹會止蝕定係入貨? 短線博反彈都應該要鎖定利潤食胡啦! 彈千多點好友都夠皮啦! 升至現水平竟然仲買上? 

貿易戰及香港政局不穩的陰霾下, 港股卻爆升, 升得好假, 市場人心虛怯, 全民皆艇, 入市意欲低, 近日的升勢主要係靠淡友回補空倉的買盤, 以及大鱷為了屠熊而夾硬推升, 短短兩天已升抵短線目標27800及回補23/5的下跌裂口, 合共屠熊7985張, 大鱷已經飽到上心口, 肥熊已死得七七八八, 牛牛上移至27100附近, 踏入6月恒指每日競價都係高開, 如明日低開就進一步確認大鱷係趙完鬆, 好友已食胡, 港股急升急跌是常態, 死貓彈完就要再尋底, 

~~~~~~~~~~~~~~~~~~~~~~~~~~~~~~~~~~~~~~~~

熊死牛命危

香港政局不穩, 大鱷梗係想拿拿臨趙完鬆, 可能係大鱷急於推高港股屠熊挾淡的原因之一, 因為社會上有太多怨氣, 大批市民上街遊行, 如果只係示威一天對股市影響不大, 不過如果班友仔想搞大佢, 接連搞事, 鼓吹市民上街, 出現翻版佔中, 就會影響投資氣氛, 嚇到好友或老外撤退, 淡友就有藉口推港股落山

趁大反彈打開逃生門就要好好部署, 唔好見連升就向上望, 港股即市或隔夜頻頻變天是常態, 大鱷玩緊好淡通殺, 追住牛熊來殺, 上周四熊多牛少(12447熊 VS 8070牛), 本周初就連續兩日急升屠熊, 大舉屠熊7985張之後, 今日埋單就變成牛熊分布相差不遠(8998熊 VS 6702牛), 代表上攻誘因不大,

明明弱勢的港股周一(10/6)卻突然爆升, 居安思危, 同樣地, 連升的港股亦可以突然插水, 要有兩手準備, 無論買上抑或買落, 都要止賺收錢才是真贏, 否則只係過眼雲煙的紙上富貴, 貪字變個貧

今次反彈浪係受老外掃A股變相推高港股, 換句話說, 當老外沽貨撤退, 港股就會反艇, 今次大反彈全靠老外大手掃A股, 以及大媽掃港股, 連日急升後人人向上望, 但其實樓上阻力重重, 恒指已連升4天, 小心升勢斷纜, 因為港股好少全周日日升或日日跌, 依家本周已經升了兩天, 要有回吐的心理準備, 回顧恒指今年的連升慣性走勢, 未試過5連升咖! 明日危矣! 連日下跌的恒指恐慌指數止跌回升, VHSI 以全日最高位收, 代表港股升到27800連大戶都驚喇! 好友小心!

4次 4連升
1次 6連升(1月初)
1次 7連升(3月尾跨4月初)

如果今個月恒指收跌的話, 月初就要向上擴大月波幅順道屠熊, 做頂打回頭就會繼續尋底, 到時牛牛亦養到肥肥白白, 如果收升, 就會在月初見底後反彈, 月中再下試前底, 月尾再上, 即係無論今個月是升或跌, 月初彈完都要落山, 陸蛇認為港股只會有反彈, 彈完再尋底, 不是轉勢向上, 換句話說, 今次中美反檯未見大底, 近日只係超賣技術性反彈, 後市會插穿26672

按照慣性走勢, 無論該周收升抑或收跌, 周一二都係做底頂的時間窗口, 如該周收升, 周一二見底後周四五就會創周頂, 相反, 如該周收跌, 周一二見頂後周四五就會創周底, 那麼究竟本周會收升定係收跌呢? 按照慣性走勢本周有可能收跌, 因為上周恒指收升, 而由4月份起, 恒指每次都係彈一個星期, 跟住又跌過, 未見過連升兩周, 如能連升兩周, 就有可能係上証收升, 扭曲了港股的慣性走勢, 因為中港股市多數係同步

到目前為止恒指高低位27155~27857, 周波幅已進入達標範圍, 如進一步擴大周波幅, 就要隊穿27155, 月波幅仍未達標, 同樣代表後市有可能回補10/6的上升裂口26984~27155, 升至現水平燈神仍看好後市, 我反而驚驚, 今日港股午後有異動, 測市指標出現利淡訊號, 加上下星期一夜期加時至半夜3點, 禍福難料, 我撤退先喇!

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

12/6 周三恒指收報27308, 暴跌480點, 部署屠牛

點升上黎就點落番去, 急升就會急跌, 大鱷仍然係用一貫手法來操控大市, 升跌都不能盡信, 逼死好友就彈高, 逼死淡友就插水, 重倉熊已陣亡, 而家就等碌落去回補10/6的上升裂口26984~27155來屠牛, 幾時破底插穿前底26672就要睇牛量,目前整體牛熊分布牛唔夠肥(8864熊vs7571牛), 27000附近有肥牛待屠, 但26800樓下只得瘦牛, 要養肥才能破底,

月初老外掃A股變相推高港股, 但今日老外開始沽貨撤退, 拖累中港股市下跌, 如果大媽及老外掃貨, 或者阿爺護盤救市, 就會拖慢中港股市的下跌步伐, 跌下彈下就可以好淡通殺, 以及養牛熊, 大鱷操控港交所.QQ.內銀內險及友邦就可以為所欲為, 今日熊食胡牛進場, 中伏了, 周四五係創周高或低位的時間窗口, 睇盤路明日會創本周低位,

要留意國指會否又守住10300來護盤, 因為只要撐住國指, 恒指就不會深潛, 地產板塊係港股溫度計, 如果大鱷想本周做千點周波幅, 就會見26857 (27857-1000=26857), 無論升跌, 大鱷都鍾意用拖字缺, 跌下彈下俾時間好友淡友牛熊入局, 一兩棍就轉向, 才能好淡通殺, 大鱷唔想一步見頂或一步見底, 唔想俾股民捉到路, 有時就玩點穴來養牛熊, 目的係令股民企錯邊, 再擇肥而噬

今日開淡仍有水位, 因為通常第一棍未到底或頂, 就好似周一(10/6)急升高見27606, 仲有得上, 結果第二棍上到27857才見頂, 同樣地, 今日插第一棍低見27222不會是底, 窒一窒只係養牛引好友入局, 仲未插夠, 明日仲有第二棍下殺, 落山是為了擴大周波幅及殺好友牛牛, 如果守得住前底26672做了第二隻腳, 到時大市或會作出反彈, 上証及國指表現係港股升跌關鍵

我係大鱷就開左淡倉才去示威, 由高位27857插到落26857就執千點, 暴徒可能開左淡倉才去搞事, 發災難財, 跟風順勢短炒應買跌, 博明日碌落去回補10/6的上升裂口, 熊死牛命危,

如果本周恒指收跌, 周五就會收26965樓下, 今日收27308, 仍有下跌空間, 如果好友想穩住大局, 本周收升, 就會推番大市上27000, 所以未來兩天(周四五)26965係好淡角力大位, 如果本周恒指收升, 就打破了慣性走勢, 好友就有可能已奪回主導權

===========================================

財經日誌~14~23/6超級星期

14~16/6 佔鐘延續篇

14/6 恒指公司調整國指組合

美國官員週五(7/6)發出通知,延後部分屬於2000億美金中國商品關稅清單內在運產品的加徵關稅的入境時間至6月15日

<匯港通訊> 港交所(00388)夜期擬分段全覆蓋美市時段, 延長包括股票指數、匯率及商品衍生產品等指定產品的收市後交易(T+1)時段交易時間,由凌晨1時,延長至凌晨3時。有關變動6月17日起生效。

特朗普稱6月18日將會宣布競逐連任2020年展開的第二個總統任期, 狂人為競選做勢, 推高美股, 自從道指六連升重上26000以來, 就一直高企不下, 狂人護盤做假態度明顯, 美股做好, 所以港股亦冇創新低

18~19/6 聯儲局議息

21/6(周五)富時指數調動

28~29/6大阪舉行20國集團(G20), 市場憧憬習特會, 不過特朗普表示, 若習近平在G20峰會期間不與他會晤以及未能達成協議, 美國將會向中國即時加徵額外關稅, 好友小心了, 美國商務部長羅斯表示美中兩國不會在 G20 峰會達成貿易協議, 會面只會為可能達成協議鋪路, 特朗普指中國渴望達成協議, 除非是很好的協議, 否則他不感興趣

美國逼到墨西哥低頭, 特朗普笑哈哈, 宣布無限期延後對墨西哥加徵關稅

=============================

17~21/6超級星期

踏入6月下旬就要準備坐過山車, 牛熊命危, 每月下旬都係創該月底或頂的時間窗口, 如能收27200樓上3天, 利好

部分屬於2000億美元中國商品關稅清單內在運產品的加徵關稅的入境生效時間為6月15日

由6月17日起, 港股夜期由凌晨1時延長至凌晨3時

早前人行公布在5月初對中小型農商行定向降準的具體時間表, 將於5月15日、6月17日、7月15日分三次實施到位, 共釋放資金2800億元人民幣

特朗普稱6月18日將會宣布競逐連任2020年展開的第二個總統任期, 狂人為競選造勢, 推高美股, 自從道指六連升重上26000以來, 就一直高企不下, 狂人護盤做假托市態度明顯

18~19/6 (周二三)聯儲局議息, 美日英三國分別舉行議息會議

21/6(周五) 富時指數調動

28~29/6於大阪舉行20國集團(G20), 市場憧憬習特會

28/6 基金半年結

最新回應

*KK*
*KK* 2019/10/20
@soho*...

月前都話左 "輸出海外" 架啦. 嘿嘿, 剃人頭者人亦剃其頭也. 倫敦幾日, 勝過呢度幾個月, 鬈毛勾鼻幾堅揪!!!

睇下幾時紀律大反轉, 民間維和自衛隊統統出籠......

有咁既冇腰骨事頭婆, 真係大眾之哭也, 陰功......

水兄所示, 同意, 要適應下 "一腳兩掣" 囉.

soho*
soho* 2019/10/20

https://youtu.be/VGCU4Xaw3r4

https://youtu.be/L8ssFWhikGw

近日英國西班牙智利澳洲展開示威浪潮,交通立立亂,燒拆地鐵堵路 四處縱火,西方警察以武力鎮壓,狼過港警好多

太好了, 西方國家冇得獨善其身,全球時代革命,Yeah!

西方傳媒旣然 選擇性失明,大讚香港黃絲,如今燒到去佢哋國家,英國佬仲話如脫歐就會上演大龍鳳,爽爽! 報應

{#iconb_320}

門徒
門徒 2019/10/19

好似見頂了 {#iconb_219}