七月及八月開班分享煮食小技巧名廚公開秘方教煮日式美食

2019/06/14 04:12:15 網誌分類: 生活

14 Jun

        　　Kelly一向都鍾意食日本菜，可惜就唔太識煮。o依家大家同Kelly就有機會向日本料理名廚趙仕焯師傅偷師，一洗地獄廚神污名！佢即將開班教大家煮日式炸豬扒、日式燒雞等美食，聽到小妹即流晒口水。

        　　鮨海創辦人兼總廚趙仕焯師傅將於七月同八月喺信興開班兩日，分別教授非常受歡迎嘅日式炸豬扒同炆油甘魚骹。金黃酥脆嘅外層夾着鬆軟的豬扒同特製燒汁配合得天衣無縫。而肉質幼滑嘅油甘魚就會用炆煮嘅烹調方式，帶出豐富嘅魚油同膠質。

        　　除咗傳統日本料理，趙師傅仲會公開自家烹調秘方，教大家煮新穎嘅和風洋食料理，例如日式咖喱牛腩同日式燒雞。

        　　喺課堂上仲會同大家分享烹調各種日式料理嘅小技巧，同埋揀選日本特色食材同調味料嘅方法。每班學員人數有限，額滿即止，有興趣報名嘅朋友就快啲上網報名！

        KellyChu