14~19/6 偷襲肥熊

2019/06/16 23:59:17 網誌分類: 經濟

16 Jun

港股連跌3天, 低開低走呈陰燭, 失守10天線

14/6 周五恒指收報27118, 跌176點(最多下跌243點)

國指收報10419, 跌52點(最多下跌80點), 國指跑贏恒指

大鱷用拖字訣, 咬住27000唔放, 過去一周大市在10天線穿梭.飛天遁地.好淡通殺, 大市表面雖弱, 但低位一瞬即逝, 貼價熊已出世並不斷下移, 下周命危, 因為通常大市急跌一段時間在低位喘定, 磨到貼價熊出世大市就會拗腰急升, 只要等到上証彈高做助力就能成事, 下周消息多多, 勇猛的牛熊會愈來愈貼價, 大鱷有誘因將大市舞高弄低, 震到失暈,

今日恒指雖然收跌, 不過卻是連升兩周, 短線劣勢已扭轉, 大市止跌回升震住上, 日線圖走勢向上, 由於大鱷力守27000及26800兩個大位, 要有強烈利淡催化劑才會破底隊穿26672, 如有好消息或大鱷想挾淡就會上27500或27857, 28000樓上有肥熊

牛熊分布: 26953(牛) vs 27300~28200(熊) ~ 熊命危

12~14/6港股日日都係低開殺牛, 只要見守住27000及競價高開, 就係好友出手訊號, 好淡角力大位 27000/27260(頸線)/27500, 如能收27500樓上代表好友已奪回主導權, 大媽大手掃內銀護盤, 以及本周上証收升, 係港股止跌回升的主因, 恒指得以守住27000收市, 月初創新低後連升兩周係見底訊號, 只要冇特別大的利淡消息, 大市就會反覆向上, 6月下旬就會創即月新高

6月上旬港股走勢呈先低後高, 5月低位26850, 6月低位26672, 相距不遠, 反映好友大鱷仍未放手, 唔想大市深潛, 正展開反擊, 大鱷炒窄幅來殺好友淡友, 目前仍在26800~27800之間游走, 未到6月下旬就用拖字訣, 兩邊爆過都係一瞬即逝, 屠殺牛熊後即閃, 大鱷真係陰毒, 看來拖到愈接近結算就會見真章, 通常20號之後就係創月內高位的時間窗口

~~~~~~~~~~~~~~~~~~~~~~~~~~~~~~~~~~~~~~

疑似阿爺護盤

按照慣性走勢, 無論該周收升抑或收跌, 周一二都係做底頂的時間窗口, 如該周收升, 周一二見底後周四五就會創周頂, 相反, 如該周收跌, 周一二見頂後周四五就會創周底, 4/6低見26672後連升兩周, 如能連升3周, 即係第三周(17~21/6)周五21/6收高於27118, 那麼26672就極有可能係6月底部, 6月下旬就會升穿27857, 殺上去28000來擴大月波幅

如果大鱷開左淡倉才去示威, 阿爺想維穩的話, 就唔會俾佔鐘淡友得勝, 大媽任重道遠, 要守住重磅內銀來撐市, 耐不耐突然抽升挾淡, 就可以嚇退淡友大鱷, 中美貿易戰陰霾, 加上突發的佔鐘事件, 全城唱淡港股, 不少投資者都做淡, 亦有誘因爆升挾淡, 有阿爺救市, 看來五窮六不絕

滬倫通17/6正式啟動, 雙向額度合計5500億人民幣, 港股回購大增, 過去兩周突然有這麼多阿里巴巴來港第二上市的消息, 我認為都係阿爺撐市的舉措, 港交所逆勢向上亦有助穩住大市, 紓緩跌勢, 由於基金不能空倉, 所以沽貨避險後亦要換馬, 有利好消息做後盾的港交所就成為對象, 而港鐵及領展高企不下, 相信亦係基金泊入避險, 優質大藍籌低位亦見買盤, 有換馬以及低吸博反彈的味道, 市場炒減息, 地產股低位受追捧

阿爺護盤, 大媽掃貨撐國指10300, 守得好穩, 但10500阻力大, 如能收於其上3天, 就係向上突破, 港股風高浪急, 大鱷玩緊好淡通殺, 假手影欺騙股民, 散戶少做少錯, 急升急跌+點穴=方向難辨.輸死股民, 企錯邊會好大鑊, 對於大鱷來說, 即市無啦啦抽升或殺跌300點係易如反掌, 近來即市波幅多數係220~470點, 港股跟住上証失驚無神飛天遁地, 根本冇得分析, 短炒容易左一巴右一巴

${#icono_65}$ ${#icono_64}$ ${#icono_64}$ ${#icono_64}$ ${#icono_64}$ ${#icono_65}$ ${#icono_64}$ ${#icono_64}$ ${#icono_64}$ ${#icono_64}$ ${#icono_65}$ ${#icono_64}$ ${#icono_64}$ ${#icono_64}$ ${#icono_64}$ ${#icono_65}$ ${#icono_64}$ ${#icono_64}$ ${#icono_64}$ ${#icono_64}$ ${#icono_65}$

港股止跌回升, 結束三連跌, 成交急降, 大龍鳳先兆

17/6周一收市~恒指收27227, 升108點, 收復10天線

6月上旬先低後高, 呈高低腳觸底反彈形態, 底部上移尋頂格

04/6 低位 26672

11/6 高位 27857

一如日前所說, 大鱷似係用拖字訣來養牛熊及畫靚日線走勢圖, 以及等平均線下移(往後就更容易收復~20天線已經由28000落到27250), 等上証彈高做助力, 大鱷暫時將大市困在26800~27800, 過去兩周的技術走勢逐步改善, 只係等好消息來借勢爆邊, 大鱷正在部署向上突破, 今日港股以全日最低位收市, 表面上形成「射擊之星」利淡形態, 但睇真D測市指標卻是向好, 似係乾跌震倉格, 成交大幅縮減至$669億, 為逾一個月最少, 大龍鳳先兆

13/6隊落去26825秒殺肥牛即彈, 恒指出現高低腳, 後市如能升穿前頂27857, 今個月埋單收升機會大增, 因為13/6出左第二隻腳26825, 早前26672單腳企唔穩, 如今雙腳站穩就有望再挑戰前頂27857, 今日高低位27227~27503, 未來幾日一定要爆邊來擴大周波幅,

上周五(14/6)收27118, 當時距離牛熊聚集區都係差不多路程，今日上証收升, 所以大鱷借勢上攻屠熊, 今日衝到上27503, 貼價熊已清埸, 大鱷就縮番落27300附近游走來養牛熊, 而27548~27999 有熊2619張, 快高長大, 今日港股沖高回落, 全城看淡, 熊熊下移, 大鱷流晒口水, 因為6月份沽空持續高企, 只要失驚無神抽升挾淡, 補空倉的動力就會推動大市急升

今日收27227, 牛上移至27000~27200, 有瘦牛254張, 而26800~27200合共有牛張1181, 只要明日守得住27200/27051, 500點為一級, 代表大鱷仍想上27500, 向上大位27800.28000.28300.28500....如果6月做2000點月波幅, 一係破底隊穿26672, 一係上攻28700, 港股上周冇創新低皆因上証及道指都冇破底, 中港美三地股市通常係同步見底頂, 所以現時三地股市亦同步尋頂

如本周收升, 就不會在星期一見頂, 即係未來幾日有望升穿今日高位27503, 如果好友仍能推動恒指本周收升, 就係連升3周, 進一步確認26672已是6月低位, 恒指由5月高位30081碌到落6月初低位26672, 短短一個月大插逾3400點, 恐慌性拋售, 跌勢過急亦跌過籠, 淡友可能已食胡並反手做好了,

~~~~~~~~~~~~~~~~~~~~~~~~~~~~~~~~~~~~~~

今日大鱷吃了510張熊仔, 牛熊分布: 27200(牛) vs 27548~28200(肥熊)

大鱷係睇住牛熊來殺, 目前整體牛熊分布係熊略為多過牛牛, 令下殺誘因降低, 推升誘因增加, 今日港股雖然收窄升幅呈陰燭, 不過恒指恐慌指數下跌, 唔驚啵! 上証雖然在2900窄幅穿梭, 但其實見護盤手影, 近來A50非常硬凈, 代表內地金融A股有買盤掃貨

老外買賣盤路亦配合人民幣走勢, 5月份人民幣急瀉, 港股出現小股災皆因老外密密狂沽A股走鬼撤資, 但踏入6月份人民幣跌勢放緩, 在低位喘定, 中港股市亦同步回穩, 老外日日掃滬A股, 中港股市跌勢放緩並於6月初觸底反彈, 成也老外, 敗也老外, 既然老外積極掃貨, 代表後市仍有上升空間, 今日滬股通繼續出現資金凈流入, 不過由13/6起老外買貨金額逐步縮減, 可能係想一邊入貨推高大市, 一邊暗暗獲利

近日中美雙方都釋出善意, 減少對罵, 市場認為是為了月尾習特會鋪路, 加上林鄭暫緩修例, 佔鐘形勢緩和, 周日(16/6)百萬人大遊行亦沒有發生流血事件, 大市沽壓減輕成交縮, 大媽繼續掃貨護盤, 好友借勢反擊

最令好友擔心的是28~29/6的G20峰會習特會面會否反檯, 因為賤美早已警告, 如未能達成貿易協議, 就會向餘下3000億美元中國貨品開徵關稅, 所以好友大鱷就係28~29/6的G20峰會習特會前盡量推高大市來屠熊殺淡, 其實時間上亦配合, 假設6月下旬繼續推升, 27/6期指結算, 28/6基金埋年結, 29/6(周六)習特會揭盅, 如果反檯, 都會係7月開局啦! 6月尾大鱷已趙完鬆了

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

港股高開高收呈陽燭, 連升兩天, 繼續尋頂屠熊之旅

18/6 周二恒指收報27498, 升271點(最多上升357點, 一度下跌26點), 收復20及200天線

國指收報10507, 升79點(最多上升110點, 一度下跌12點), 收復10及20天線, 國指跑輸恒指

本周一(17/6)起夜期由凌晨1時延長至3時, 加上本周係超級星期, 消息多到不得了, 大鱷必定會係夜期出手, 裂口開出冇得走, 股民企錯邊會屎無全C

呢兩日港股沖高回落收窄升幅, 秒殺小熊即回, 示人以弱, 今日再度扮受制於27500, 詐死奸計得逞, 大市震一震, 嚇到牛食胡, 大量熊熊飛撲入市, 熊肥牛瘦利上攻, 大鱷係睇住牛熊來殺, 磨多一日, 熊熊快高長大, 目前整體牛熊分布係熊大幅多過牛牛, 令下殺誘因降低, 推升誘因增加, 只要有利好消息做催化劑, 就會上破前頂27857來擴大月波幅,

今日港股向上突破, 收復多條重要平均線, 走勢進一步好轉, 代表昨日沖高急回收陰燭真係震牛養熊, 今日繼續詐死引淡友入局, 27600~28200有肥熊, 明日繼續食熊掌, 阿爺多方面撐市, 今日平保以每股79.85元及80.93元回購A股, 涉資2.82億人民幣

昨日港股乾跌震倉, 友仁兄話大鱷壓價收貨, 同意, 試想想, 昨日港股飛天遁地, 夾硬隊到落全日最低位收, 嚇親股民, 好友後悔高位冇食胡, 今早沖高必定會惹來沽壓, 因為股民見昨日彈散驚歷史重演, 今早見高開梗係拿拿臨走貨, 殊不知係大鱷震倉, 今日港股午後升幅擴大, 証明大鱷收晒散戶的止蝕/止賺貨仍有力再上, 推升態度明顯, 我有隻蟹貨日日掛高位都出唔到, 但今日俾大鱷掃左去, 大鱷肯高位接貨係利好訊號

今日港交所.建行.新地.友邦等指標股表現亮麗, 買盤掃入, 後市上破前頂27857不難, 太快做淡是死罪, 港股連續兩日成交急降, 係大龍鳳先兆, 時辰到了, 今晚狂人宣布競選連任, 狂人一直以美股大牛市為其政績, 其實今個月狂人已暗地裡推高美股, 好明顯係為了造勢,

19/6周三收市~港股報復式反彈, 收28202, 升703點

炒月尾習特會 + 減息 = 挾淡 + 港股向上爆邊尋頂屠熊

低吸盤趁急升沽貨獲利 vs 港股向上突破程式買盤追貨及淡友補空倉買盤

今日高見28224, 只要道指及上証未見頂, 港股仍會再創高位, 底頂上移格, 通常第一棍大陽燭向上突破不會是頂, 周四五係港股創周頂的時間窗口, 港股6月收升已無懸念, 收升月多數在20號之後創即月高位

今日上到28200肥熊陣亡, 所以大鱷玩窒窒步升來養熊引淡, 今日扮受制於28300, 貼價熊增加逾千張, 由瘦熊變肥熊, 中伏了, 再上就係28500.28800, 由於呢個水平熊瘦, 估計大鱷會詐死來引熊入局才爆上去,

以月波幅起碼2000點計, 後市會升穿28700來屠熊, 美元回落, 人民幣走強, 利好中港股市, 不過當港股衝上28700/11000, 上証3000就要步步為營, 日圓走強, 習特會禍福難料, 後市有隱憂, 大鱷只係在會議前扮樂觀來殺淡, 會透支了升幅, 升過籠, 當見頂就會失驚無神掉頭下殺, 到時好友就會走避不及, 散戶就要好好掌握今次大反彈的機會, 執下個倉, 站在狂人的角度想一想, 18/6宣布競選連任, 19/6美股就縮手唔托市未免太著跡, 點都要托埋今個星期

今次反彈浪係始於熊多牛少, 要留意牛熊分布, 當熊熊死得七七八八, 牛熊數量均衡, 又或者牛多熊少, 就係升到水尾的先兆

好事約埋一齊, 人仔好, 港股好, 人民幣今日大升224點子, 係港股向上動力之源, 上証如能突破5月高位2986, 有助推動恒指上28500, 老外大手掃A股, 利好港股, 大市未見頂, 繼續買上, 應市策略: 加注落後股, 持貨推高止賺位

由於距離27/6結算尚有一星期, 大鱷可能會用拖字訣來窒窒步升, 小時圖9RSI 呈超買, 上証先高後低, 雖然收升但卻是近全日最低位收, 港股急升後獲利沽壓亦湧現, 連大媽都食胡, 不過大戶沽貨愈沽愈升, 才可以用靚價出貨, 18/6狂人推高美股造勢本來已完成, 但就拋出習特會來營造利好氣氛來繼續撐市, 全球股市彈高高, 要留意19/6的上升裂口, 大市未見頂前理應不回補:

上升裂口 27584~28022, 10538~10717

${#icono0_17}$ ${#icono0_25}$ 27768(牛家) vs 28228(熊家) ${#icono_61}$ ${#icono0_6}$