領養馬拉松為毛孩子找一個家

2019/06/17 04:12:13 網誌分類: 生活

17 Jun

        　　為咗鼓勵領養動物，香港愛護動物協會本周六至周日會喺灣仔總部舉辦第十七屆「領養馬拉松」。Kelly一向關注毛孩嘅生活情況，支持呢個咁有意義嘅活動，幫助毛孩搵到願意照顧佢哋「一生一世」嘅好主人。

        　　第十七屆「領養馬拉松」有過百隻待領養動物參加，包括狗、貓、兔子、倉鼠、爬行動物、鳥類等，正等待願意和佢哋許下一生承諾嘅主人。愛協話，去年幸得大家支持，超過一百隻動物被領養，今年會繼續努力，希望能為更多動物找到溫暖嘅家。

        　　一連兩日「領養馬拉松」仲有好多免費活動，包括寵物美容小貼士、寵物照顧貼士、狗隻行為訓練分享、親子工作坊及動物玩具工作坊。Kelly最有興趣係狗狗派對、狗隻行動訓練示範、七型動物指紋性格測試等，真係好玩又好吸引。



        Kelly Chu