修例風波導致情緒不穩 紅十字會好貼心 幫市民身心輔導
2019/06/17 04:12:18 網誌分類: 生活
香港紅十字會安排咗臨牀心理學家及心理支援服務義工由上周三起接聽受困擾市民嘅電話,有關服務延長至昨晚十點。截至前晚十點為止,熱線一共接獲六十四個求助電話。紅十字會好貼心,喺昨日大遊行期間設立急救站,為市民提供身心支援服務。
災後心理輔導協會嘅熱線,按聯合國響緊急情況下使用嘅指南,為受助者評估狀況和快速治療,服務時間由周一至周日嘅早上十時至晚上十時,開放至七月三十一日。協會話,截至昨午一點為止接到四十一宗求助,其中有人情緒不穩,經創傷心理治療後回復平靜。
英國註冊藝術心理治療師梁靜韻對小妹話,近日收到很多家長同老師嘅查詢,問如何排解學生同小朋友嘅不安情緒。佢話,比較多係參與咗示威嘅小朋友嘅「即時反應」,佢哋之後夢見衝突場面。梁靜韻建議,要留意身邊朋友嘅負面情緒,最好安靜咁陪伴對方,若佢情緒持續受困擾,食欲又不振,情況持續一至兩星期或以上,最好搵專家傾吓。
Kelly Chu
■《逃犯條例》爭議造成的衝突場面,令不少人情緒不安。
回應 (0)
我要發表