為遊行人士送上心意 火鍋店老闆好有愛一日派咗16箱水
2019/06/18 04:12:16 網誌分類: 生活
Kelly問過呢間位於維園附近嘅火鍋店負責人,佢話見到遊行人士行到身水身汗,所以預備咗十六箱樽裝水送界佢哋,希望佢哋可以帶住呢份心意,將港人嘅聲音話畀政府聽!被問到介唔介意生意受大遊行影響,佢就話如果解決唔到呢個爭議,日後嘅生意仲有更大嘅影響!
另外,有網民於facebook群組「香港突發事故報料區」上載圖片,可見前晚遊行人士經過銅鑼灣同灣仔一帶嘅街頭後,街上回復一片平靜,一件垃圾都無留喺街上,非常之乾淨,樓主讚歎:「之前有二百萬人經過, 如此清潔,如此整齊, 如此高質素,如此香港人!」
有參與遊行嘅網民指,一班學生、義工團隊沿途一路清潔路面,甚至幫忙回收。唔少網民留言稱讚香港人,「向有質素香港人致敬」、「乾淨過平時」、「香港人值得驕傲」、「高質香港人遊行完美演繹,無人能及」Kelly都要畀like同多謝一班香港人!
Kelly Chu
■學生自發清理街道上的垃圾。
■有不少商舖派發樽裝水畀遊行人士。
回應 (0)
我要發表