瞓身幫職安局拍宣傳片 提醒工友小心中暑 雪雪曬到燶
2019/06/22 04:12:16 網誌分類: 生活
職安局喺facebook官方網頁發佈名為《小心!熱暑人》嘅小電影,由雪雪扮演一名清潔工人,佢喺猛烈陽光底下工作,做到滿頭大汗,熱到瞓咗喺草地上,最後跑去陰涼嘅地方同飲水補充水份,先唔使變熱暑人。雪雪表情搞笑又盞鬼,真係瞓身演出!
職安局話,喺炎熱天氣底下工作,體溫上升,身體排汗以降溫。但當排汗都不能令身體降溫時,就會出現頭暈、頭痛、噁心、氣促甚至神智不清嘅情況,若體溫進一步上升至四十一度,更會令身體痙攣甚至昏迷,亦即是能造成生命危險嘅中暑。
Kelly提提大家,炎夏在戶外工作,應穿通爽、淺色同鬆身嘅衣物,多飲水或其他適當飲料,以補充水份及鹽份,仲要喺適當時間去清涼地方休息。
Kelly Chu
■雪雪扮演清潔工人,喺猛烈陽光底下工作,熱到瞓咗喺草地上。
■雪雪瞓身拍宣傳片,仲曬到一節節。
回應 (0)
我要發表