賭博=投資???

2008/04/09 08:30:39 網誌分類: 經濟
09 Apr

海琳多年前在加拿大銀行打工時,有個私人銀行的經理話我知,若要在加拿大發達,期期買649(六合彩)吧! 因為差不多所有投資賺回來的都要納稅,就是中咗649唔使納稅!香港環境不同,投資賺來的入哂自己袋,實在有福。

近日海琳公司的秘書小姐Cindy常嘆通脹高,見利息低但買唔起樓,連BB都唔敢生。我問咁佢有乜打算?佢話咪唯有等中六合彩。佢老公好奇怪,寧願每個星期比二百多元馬會賭波、賭馬同賭六合彩,都唔比個老婆月供基金、滙豐(5)投資,只淮老婆將D錢放在銀行簿仔收息。若然呢幾年佢哋將筆賭本好好運用,相信今天的身家一定比現在多最少一倍。响某些人的眼中,賭錢的樂趣比穩穩健健的投資更大,在股市裏情況亦是如此,或者認為賭博=投資吧!

回應 (0)
我要發表
user