Kelly Chu
Kelly Chu
Kelly Chu

贏得迪士尼3D動畫賽亞軍 港生洗碗機械人揚威國際

2019/06/25 04:12:19 網誌分類: 生活
25 Jun
          動畫係長青嘅創意工業,好嘅作品可以進軍國際市場。Kelly好開心知道,一套由順德聯誼總會翁祐中學四位中學生創作嘅動畫,喺美國三藩市華特.迪士尼國際青少年動畫節大賽中獲得3D動畫國際組別亞軍!評審形容作品嘅畫面技術很好,內容有趣兼有創意,故事結局令人意想不到,四位參與製作同學真係抵讚!

          獲獎作品名為《Stain》,係由順德聯誼總會翁祐中學四名中三學生黃煥然、曾梓林、游智軒同陳奕軒聯手製作,講述一名機械人不斷清洗碟子,依然偵測到有污垢,最後發現污垢係喺機械人眼睛嘅鏡片上……呢個動畫嘅主題,係教人要堅毅同努力不懈。

          獲獎同學仔話,作品嘅故事靈感來自做家務時嘅親身感受。最初老師給予我們一個題目「堅毅和努力」,佢哋每天都做家務,雖然不喜歡,但堅持完成,於是構思一個洗碗機械人,希望可以代替人類做家務。

          四人得獎,一啲都唔簡單,因為今次全球參賽動畫作品超過一百八十套,Kelly為佢哋感到驕傲。

        Kelly Chu

        
■香港學生的得獎作品《Stain》揚威國際。p/  
 ■香港學生的得獎作品《Stain》揚威國際。

   

■四名獲獎的香港中學生(左起)曾梓林、黃煥然、游智軒和陳奕軒。p/  
 ■四名獲獎的香港中學生(左起)曾梓林、黃煥然、游智軒和陳奕軒。

   

回應 (0)
我要發表
user