豈容魑魅魍魎橫行亂港

香港政府為咗幫潘曉穎喺台灣被殺一案沉冤得雪，力推修訂「逃犯條例」。個幾月嚟，各路魑魅魍魎紛紛蒲頭，政棍、訟棍、工賊、港毒份子，甚至連法官、記者、律師、教育工作者、宗教人士等等一齊跳咗出嚟，不惜勾結外國勢力，造謠、示威、遊行、暴力衝擊，煽動反中等等，逐漸演變成為暴力衝擊警察防線，掟磚襲警，包圍政總、警總、稅務大樓等等，種種惡行，令香港社會撕裂，嚴重二元對立。

新舊政棍如陳方安生、李柱銘、涂謹申、羅冠聰之流，分批次到美西方國家造謠勾連，唱衰香港，賣港求榮。大律師余若薇仲斷章取義抹黑修例，將反修例強行解讀成為送中惡法，煽動港人恐慌情緒，將修例問題完全政治化，呃鬼咩，最多咪畀你呃啲小學雞囉。「學生動源」恐嚇校方，冒簽聯名信，推動「反修例入校計劃」，製造校園白色恐怖。而黃之峰啱啱出冊就喺街頭煽動示威者包圍警察總部。一班口口聲聲話「為公義」、「為民主」嘅政棍唔顧事實同正義，不擇手段亂咁嚟，真係怕死香港唔夠亂。

荒謬嘅係啲神職人員貓哭老鼠假慈悲，一陣話警察開槍射擊「手無寸鐵」嘅示威年青人，一陣又呼籲年青人冷靜，唔好太影響市民生活而導致民意逆轉。「手無寸鐵」都敢講出口，咁掟向警察嘅磚頭、飛向警察嘅鐵枝唔通係外星人喺天上掟落嚟嘎？而民意嘅逆轉究竟係政客應該關注嘅事情，定係啲神職人員應該關注嘅事情啊？要做政客咪唔好做牧師喇！乜都搞埋一齊，仲唔係事先夾埋嘅？喺圍攻政總、警總嘅夜晚，就係哩班所謂嘅神職人員一邊唱著聖詩一邊幫手搬鐵馬嘅，亂七嚟！

更荒謬嘅係一班戴口罩、安全帽嘅黑衫廢青掘起街邊嘅磚頭、拆開鐵馬上嘅鐵枝，仲拎起垃圾桶裡面嘅垃圾掟向正常執法嘅警察，咁樣做都唔定性為暴動，仲唔追究暴動人士嘅刑事責任，真係好笑。而警察喺遭受襲擊時不得已使用催淚彈、警棍、橡膠子彈等限制性嘅防暴武器去應付暴亂份子嘅衝擊時，反而被老屈成「過度使用武力」，仲大嗌追究警員責任，認真搞笑！

哩啲人嘅所作所為無異於魑魅魍魎，早已經超過咗法律底線、道德底線，為咗唔可以明講嘅一己私利，公然無視香港市民嘅權益，得閒無事做喺度搞亂社會、搞臭香港。每一位正義嘅香港人都應該企出嚟發出正義嘅聲音，撐警察嚴正執法，教育被洗腦嘅廢青，趕走亂咁囄嘅政棍，聲討並驅趕外國搞事份子，一齊共同努力，嚟維護香港嘅社會秩序，恢復翻香港嘅繁榮穩定。