冷眼找出謀利者 真情尋回香港寧

「波瀾開闔，如在江湖中，一波未平，一波又作」。民陣等反對派鼓動嘅學生集會遊行活動尚未平息，醫學界、法律界選委會嘅部分老又出嚟作怪，誣衊警員喺醫院收集傷患資訊，搜尋示威遊行傷患。為咗達到佢哋嘅政治目的，實現人生「抱負」，各路妖怪陸續登場，好似怕慢一步會被人搶咗風頭咁。不過真係唔敢認同佢哋嘅所作所為，低廉嘅違法成本令到佢哋可以唔理真相係乜、唔經大腦就敢胡亂評論、惡意攻擊，一副「語不驚人死不休」嘅死樣，就好似依家為咗出名而不擇手段嘅網紅一樣。佢哋嘅目的就係將普通市民推去輿論風暴中心，挑撥警民令佢哋關係水火不容！

由頭到尾諗翻呢件事嘅點點滴滴，我發現呢件事嘅發展變化已經完全偏離正常軌道，由「反送中」到「反政府」事件，再演變成「反警反中」。之前反對派對發動集會遊行呢件事仲大條道理大聲夾惡，依家對呢件事隻字不提，代替之前口號嘅係，用發動更大規模集會嚟威脅政府，要求政府承認暴動嘅合法性，同時鼓動線民人肉港警家人進行打擊報復，威脅港警停止執法。反對派呢次策劃，由點到面考慮周全，令到理性集會變成暴亂活動，原本相親相愛嘅警民變成怒火中燒嘅仇人，整個香港社會都係憤懣情緒，安定繁榮嘅社會環境岌岌可危。但係即使係咁，仲有人喺度造謠生事、火上加油。以上種種，都表明成件事都係有人喺背後操控，不斷渲染仇警情緒，製造事端升級矛盾，以達到佢哋嘅目的，謀取佢哋嘅利益。

「偏多熱血偏多骨，不悔真情不悔癡」。我哋愛港嘅偏激同不惜為港流嘅熱血，絕對唔可以成為某啲人上政治舞臺嘅踏腳石，更加唔可傻傻更更咁畀人利用。其實只要我哋冷靜細心咁觀察周圍嘅人同事，一定會發現啲蛛絲馬跡。鼓動市民行上街嘅帶頭人全部都係反對政府嘅激進人士，佢哋由大家知道佢哋個名開始就從來都未聽過佢哋有贊過任何人同任何事。佢哋事發後第一時間佔領輿論，將警員執法定性為暴力鎮壓嘅機構、媒體同個人亦都長期敵視特區政府，咁多年嚟佢哋一直喺度批評特區政府，從嚟未聽過佢哋對特區政府有過正面言論。更加令人激氣嘅係，新聞報導反對派已經將佢哋嘅黑手伸向校園，將青少年學習成長嘅地方變成佢哋發展反動人士嘅基地。上面講嘅係我哋已經發現嘅，我哋未發現嘅估計更加多！

件事變成依家咁關係已經錯中複雜，為港為家付出冇錯，但係你哋嘅真心有冇錯付就唔知啦。希望大家都可以冷靜啲，理性思考問題，一齊揾啲為咗佢哋嘅利益而搞亂香港嘅人出來，令香港變翻原來嘅安寧穩定。