比腐蝕液體濺傷嘅女仔

今晚某位朋友同西風講，用腐蝕性液體其中之一嘅女仔自作自受，濺到呢種液體而受傷！當救護人員幫佢療傷時，喺度鬼殺咁嘈，連警察都鬧埋。朋友問西風點睇？西風只喺苦笑一下，對呢位女仔嘅表現深感失望：

1.佢同佢班成員認為將腐蝕性液體淋向警員，導致十三名警員受傷就覺得喺啱，而家切膚之痛底下，比自己淋傷自己，仲可以怨邊個？橫掂佢想出位做女英雄，而家求仁得仁，好應該甘心且高調承受，點解鬼殺咁嘈？

2.警員都有亞媽生，都喺人哋媽咪嘅心肝寶貝！點解你咁心狠手辣，用腐蝕性液體對付人哋？而家自己整親自己仲唔識反省，唔通個腦生喺籮柚到咁唔開明同閉塞？

3.只知有己，不知有人，喺屬於絕對自私嘅動物！唔通只有你可以有霸權嚟傷害人哋就得，比自己整親就可以事無忌憚咁怨呢個鬧嗰個？請問你喺乜水呀？

4.只憑一己之喜惡，口聽一面之流言，只恃一時之意氣，只行一刻之陰毒，到後來喺身體留低疤痕！縱使用錢去植皮，亦洗擦唔到內心深處嘅陰影陪伴終身，真喺何苦？

5.西風希望你能夠吸取教訓，留一線比人哋行，留後路比自己走，唔好趕盡殺絕自以為是！凡事都可以磋商妥協，唔一定要訴諸暴力！就以腐蝕性液體一事嚟睇，可謂害人終害己！呢個情形，你一早預先估到自己整傷自己嗎？

最後，西風衷心祝你早日好番！