治亂世用重典？

七一事件令人髮指！一班示威者，包括某部份大中學生在內，經已失控地踐踏刑律，以身試法！當然，背後黑手嘅搧動，加上參予示威者缺乏冷靜嘅頭腦，造成衝擊同嚴重破壞！放諸英美，必然用鎮壓手段，唔喺用水炮，就用長夾粗嘅警棍當頭打到流血，甚至用橡膠子彈嚟對付暴徒。奇怪嘅喺英美咁粗暴嘅鎮壓行為，大部份香港人冇覺得唔啱，點解特區政府用同樣手法方法，就比示威者，搧動者，及一部份父母嚴詞指責？而家示威過後嘅地方滿目瘡痍，唔通喺好啱囉噃？

一班知識份子利用本身所學所知，喺失去冷靜底下，做埋晒損人不利己嘅事。難怪古人講：為非盡是讀書人！將一己之私，扣以正常化嘅歪理，可以妄顧法紀，行為所欲為嘅事，仲喺度沾沾自喜：1.成為大時代嘅英雄，2.可以留住國際嘅視野，3.可以攪到特區政府天翻地覆，4.可以彰顯特區政府嘅無能，5.可以兜巴摑中央政府你吹得我漲咩？

可憐呢班比人利用嘅大中學生，正一喺糊塗蟲！唔喺中央冇你哋符，而喺等梗個最好時機同切入點！當特區警力無以為繼嘅時候，中央可以隨時宵禁，甚至用駐港解放軍代替警方接管治安問題，到時睇吓邊一面死先？【治亂世，用重典】喺千古不變，中外奉行嘅金科玉律！正所謂和平共處好聲好氣換嚟以為好蝦，倒不如改用鐵腕政策髙壓手段又睇睇邊面蝦邊面？

香港喺七百幾萬人嘅香港，唔喺某撮居心不良嘅人嘅香港！真正想香港長治久安，就要雙方有冷靜嘅頭腦，超越常人嘅智慧嚟坐底磋商，唔啱講到啱！何況，真正嘅政治理念同精神，就喺妥協呢兩個字！

各位讀者認為西風所講有冇道理吖？