示威者認清主權未？

西風曾經提及：假如香港喺一間租務單位，咁香港七百幾萬市民就喺租客。如此累推，特區政府就喺租務執行人，而中央政府代表中國就喺業主擁有全資100%業權。因此，別有用心嘅黑勢力鼓吹顛覆特區政府篡奪主權，而一班應聲蟲忘記咗香港喺屬於中國版圖，八國聯軍一役被英國以不平等條約下強簽豪奪香港，更喺九七年七一將主權還比中國。

有人話香港有今日嘅繁榮，英國功不可沒！話雖如此，西風仲記得中英就續租香港一事傾唔埋，英國發爛渣要將九七年或以前嘅外匯儲備基金全數攞走，比當時中央領導人鄧主席反對，只同意英國攞50%外匯儲備基金。由於英國未能奸計得逞，另生毒計要消耗香港外匯儲備嚟削弱九七年後香港既競爭力，全面提出興建玫瑰園，藉此間接製造難題比中央，拖慢中國強大嘅步伐！站喺政治立場嚟講，英國咁做喺無可厚非，只不過九七年後出世嘅你或妳，又知幾多真相？

最近一班比人煽動嘅示威者，你哋父輩爺輩付出一生血汗，打造獅子山下精神，擦亮東方之珠閃耀全球，終佢哋一生默默耕耘，為香港前途，為子孫輩前途無私奉獻，同香港一齊成長。而你哋呢班示威者奉獻過啲乜嘢，付出過啲乜嘢，足以令你哋好自豪企喺示威最前線殘暴不仁，傷害無辜！無疑你哋有自己一套嘅人生觀，不過只可以代表自己，唔好咁狂妄自大下以一家之言一己之説嚟代表七百幾萬市民！嚴格嚟講，唔承認香港權屬中國喺無知，漠視歷史事實喺無能！嘅無知又無能，只識逞匹夫之勇嚟達到意氣之爭，有乜資格代表七百幾萬市民發聲同做嘢？

最後，西風奉勸呢班示威者，你哋可以唔認同中國現任當家執政黨，唔可以唔承應你哋喺龍的傳人中國人！要知道國家同執政黨喺兩個唔同概念，美國如是，英國如是，大國如是，小國如是！執政黨只執政一時，從冇話永久執政！反之，只要執政黨一心為民，雖有罪過錯，大眾市民好應該拭目以待咁比執政黨將功贖罪將功補過嘅機會！