點解咁唔冷靜？

曾幾何時，西風在百無聊賴底下，寫過【點解咁串】嘅小品！曾幾何時，西風自言自語同自問番學最重要嘅喺學乜？經過時日嘅沉澱，歲月嘅洗禮，儍下儍下至喺學校嘅英文字SCHOOL當中揾到答案。原來番學首要未必喺知識同學問，而喺學識無論身處何時何地，面對邊種困難，都要保持冷靜(COOL)！惟有冷靜，先至可以剋服火遮眼之下做出任何失控嘅言論或行為或決定！惟有冷靜，先至可以睇到衝動睇唔到嘅漏洞，以及揾到急躁時揾唔到嘅解決方法。惟有冷靜，至可以有常人冇嘅智慧去分析解構問題！所以，由古至今，由中至外，都知道火爆喺魔鬼，冷靜喺天使。

冷靜喺要經歷練而嚟，經驗喺透過痛苦換嚟！對立雙方想解決問題，就先要放低成見！如果要放低成見，就先要願意易地而處，幫自己稔少啲，幫對方稔多啲，咁至有偈傾，凡事至有得商量！就好似祝福個英文字串法BLESS，就喺待人處事少啲(LESS)柯gor，少啲不滿，少啲要求，少啲投訴，少啲單打，先至喺真正嘅祝福。反之，得把口嗌祝福，但喺其他負面嘅嘢一啲都冇少到，即喺厄鬼食豆腐，自欺欺人。