joboche1
joboche1
joboche1

乜嘢喺捨得

2019/07/02 23:22:04 網誌分類: 齋_TALK_廣東話
02 Jul

老生常談嘅名言【捨得】,周不時都會聽到!之但喺,究竟乜嘢喺捨得?又點先至可以做到捨得?真喺令西風頭痛得一陣陣。顧名思義,捨就喺放棄,得就喺得著。又話者捨就喺付出,得就喺收獲。再話者捨就喺因,得就喺果。再三話者捨就喺得,而得就喺捨!

就好似英文字忘記(FORGET),為咗(FOR)要得(GET)到一啲嘢,就要妥協咁有選擇性嘅忘記,去換取另一啲自己需要嘅嘢!例如忘記逝去嘅愛情,先至會重新去接受新嘅戀情!又例如忘記舊日傷痛,先至迎接新嘅快樂!當然,要忘記並唔見得喺容易嘅事,想得到或真正到手嘅有可能事與願違,因為理想同現實往往喺對立咗九成九,剩得一成喺心想事成!

又例如放棄追求物質同享受,就會剩到錢!又例如鍾意夜生活嘅人,即喺捨棄健康而得到疾病!病咗之時要睇醫生同打針食藥,即喺捨棄甜美而換嚟自討苦吃!如此種種,邊範嘢唔喺自己攞嚟?唔好怪呢個世界對自己唔好,唔好怪身邊嘅人與事對自己唔住!一切都喺自己取捨之間所作出嘅決定,所以要怪就怪自己好喇!你話喺唔喺?

回應 (0)
我要發表
user