3~4/7受制於29000.熊死牛命危

以七一長周末習特會的好消息來看, 恒指閒閒地可升700點, 但由於當時29000樓上熊量唔夠數, 所以大鱷刻意在29000關前卻步, 周二高見28959, 僅升333點, 只係回補了9/6 下跌裂口 28891~28946就窒步, 大鱷壓住港股升勢, 用拖字訣, 想養肥29000樓上熊熊才出手, 目前29000熊超肥, 要殺不難, 但29100~29500熊太少, 欠缺吸引力, 如果29100~29500熊養極都唔肥, 大鱷或會掉頭下殺正在上移的BB牛, 所以當肥熊死得七七八八以及美元轉強就要留神

29000必破但企穩不易, 因為根據以往慣性走勢, 大鱷操控大市的一貫手法, 第一次上攻多數會突破整數關口少少, 秒殺肥熊後縮番落黎, 目前短線去到29000已足夠, 大鱷食飽熊熊就會轉口味落山食牛扒, 待日後29100樓上熊養到肥肥白白, 時機成熟就會失驚無神再衝上去整數關口大舉屠熊

29000貼價熊肥, 要買定官才, 但由於整體牛多熊少, 28000~28500牛亦快高長大, 拉住港股後腿, 呢種形勢下, 大鱷的一貫手法係閃上29000試水溫即回, 高位一瞬即逝, 扮守得住28500, 然後在28800附近游走, 點穴磨下, 令股民無所適從, 牛熊就會陸續進場, 大鱷就可擇肥而噬, 上攻下殺都得, 所以散戶要好好掌握今次大反彈

~~~~~~~~~~~~~~~~~~~~~~~~~~~~~~~~~~~~

上攻下殺擴大周及月波幅

目前本周高低位28721~28959, 周波幅只得238點, 遠遠未達標, 所以後市或會上下都爆邊來擴大周波幅, 由於收升周多數會係星期四或五創該周新高, 明日會上攻屠熊順道擴大周波幅, 如高位受阻, 就會掉頭向下擴大周波幅, 即係明日會升穿周二高位28959然後閃上29000即回, 大鱷都唔想太早做大頂, 試想想, 如果本周就殺上29500, 點撐住高位到月尾呢? 28500附近牛牛愈來愈肥, 極具吸引力

建行周二除息後沽壓增加, 皆因好息之徒沽貨獲利, 因而拖低國指, 除了內銀除息股沽盤壓住港股外, 上証受制於3050,  再度下試3000水平, 今日收3015, 跌28點, 亦削弱港股上升動力, 如上証未能再創月內新高, 又或者跌穿3000大關, 亦會拖累港股

資金繼續緊張, 本港銀行同業拆息全線上升, 隔夜息升至2.5厘的逾兩個月新高, 部份原因係有大型IPO招股, 美元守住96止跌回升, 在97關前徘徊, 日圓及港元走強, 港元強可能和IPO及派息有關, 要密切留意匯市情況, 係港股升跌關鍵

~~~~~~~~~~~~~~~~~~~~~~~~~~~~~~~~~~~~

托沽味濃

30~31/7 聯儲局議息, 市場預期美國會減息, 剛好在8/7~1/8水星逆行期間議息, 預示金融市場會大幅波動, 消息滿天飛, 剛好下周中美重啟貿易談判, 賤美略為放寬對華為的限制, 以及阿爺購買美國貨品, 雙雙為了中美談判釋出善意, 但貿談不明朗, 投資者因而沽貨及換馬來鎖定利潤, 今晚美股半日市, 明日美國獨立日休市

基金及大媽股新城發展主席犯刑事罪, 影響股價及債價, 洗倉走鬼式下挫, 市場憂慮或會引發內房債遭拋售, 影響日後內房發債, 亦拖累港股表現, 今日港股跌幅不大, 但下跌股份遠遠多過上升股份數目, 有托沽味, 大鱷趁大市高企暗暗派貨, 港股於現水平成交明顯減少, 買盤縮.沽壓增, 除了因為累積龐大升幅, 股民追貨意欲低之外, 亦係因為拆息持續高企, 有大型招股活動扯走資金, 企業準備資金派息, 港元需求增加, 令港匯走強

高盛指基金由5月份起大舉減持區內股票, 主動基金在中資股的資金配置, 跌至15年以來最低, 我認為反修例大遊行及暴力佔據立法會必定會影響外資對香港的投資取態, 反對派每周搞事亦會拖累香港經濟, 老外今日亦走貨, 滬深股通出現資金凈流出, 大媽於5及6月掃貨, 踏入7月就買少左貨, 一邊入貨托市, 一邊沽貨獲利, 大媽走緊QQ.建行等股份, 亦會拖低大市, 削弱上企29000/11000的動力

======================================

3/7的收市總結重點如下:

3/7 上升裂口 28632~28768 (有待回補) ~已回補至28721, 任務未完

27/6 上升裂口 28267~28287, 如果好友健在, 就不會回補, 如失守代表好友已趙完鬆

殺上29500未係時候, 因29100~29500熊太少, 欠缺吸引力, 如果29100~29500熊養極都唔肥, 大鱷或會掉頭下殺正在上移的BB牛, 所以當肥熊死得七七八八就要留神

06/5 下跌裂口 29384~29678 (要等熊養肥才有誘因爆上去回補裂口)

4/7周四恒指收28795, 跌59點, 連跌兩天, 熊死牛命危

中美股市見頂.港股呈利淡訊號.牛肥熊瘦利下殺

以黃金比率計，如反彈4月中展開的大跌浪0.5倍見28475, 0.618倍見28901(4/7高見29008), 不進則退, 如有利淡消息, 就要下試27800, 19/6大型上升裂口27584~28022有待回補,

以黃金比率計，如反彈4月中展開的大跌浪0.382倍可見10896, 0.5倍可見11084, 0.618倍可見11272 (2/7高見11042), 不進則退, 如有利淡消息, 就要下試10500, 19/6大型上升裂口10538~10717有待回補,

中港美三地股市再度同步見頂, 3/7道指高見26966, 4/7恒指高見29008, 上証高見3048, 皆不約而同分別受制於27000/29000/3050整數關口, 如以500及1000點為一級, 道指向下支持先看26500, 恒指28500/28000, 上証以50及100點為一級, 向下支持看3000/2950/2900, 當中美股市見底, 港股就會跟隨止跌回升

港股高開低收, 單日轉向, 有聚頂味, 恒指創新高29008後倒跌收場, 國指未能創新高, 美元升勢持續, 利淡港股, 不進則退, 向28200~28500肥牛區進發, 早已說過當上破28800/11000/3000就要慎防沽壓加劇, 要小心大市轉勢向下, 因為下周(8/7)開始水星逆行, 周五(6/7)美國公布非農數據, 對減息與否會有啟示, 近日港股的沽壓有避險味, 因為經濟數據好/壞會影響美元匯價

大鱷閃上29000屠熊, 全周殺肥熊近四千張已達標, 每當肥熊死得七七八八, 大市就會失驚無神轉向, 係大鱷操控大市的一貫做市手法, 扮跌唔落嚇退淡友, 當好友進場, 大鱷就會變臉下殺

牛熊分布嚴重失衡, 牛多熊少利下殺, 咬住28800水平目的係吸引好友淡友入局再擇肥而噬, 大鱷抽升殺跌就係為了追住牛熊來殺, 既然牛肥就應該要落山, 全場最肥牛牛在28500附近, 本周細波幅, 成交急降, 係大龍鳳先兆, 小心周線升勢斷纜

9/7 燈神相反指標.看淡走鬼代表反彈在望

燈神日前見港股爆上28800看好叫粉絲追貨加倉, 跟住港股就反艇, 連跌5天, 但於9/7見插到落28080就看淡叫走鬼減倉, 相反指標係反彈在望, 而大媽就在28000附近開始入貨, 買QQ及建行, 連夜期都收高水, 代表港股快將出現反彈, 恒指由高位29008插到落28080, 跌近千點, 短炒淡友已有足夠水位食胡, 港股好少全周單邊升或跌, 點都會有反彈, 周三收升不難, 周四見真章, 如能續升代表好友力守28000/10500, 以周波幅計就要再上28541樓上, 同意雞煲所說要反手博反彈, 走熊買牛, 博彈上去吻別28500, 如未能全數回補下跌裂口28541~28714, 後市就要插穿28080來擴大月波幅, 不過要有強烈利淡催化劑才能成事