如果喺你得唔得先？1

近排所謂民怨沸騰，郁啲啲都話要上街遊行示威，不但破壞法治，仲要破壞政府物業！好聽就喺宣洩不滿嘅情緒，唔好聽就喺用不法行為想達到不可告人嘅目的，卻帶上神秘嘅面紗講啲似是而非嘅理由，不但迷惑人心，仲不斷將仇視政府嘅行動升級。

有朋友對一班示威學生群表示同情，並支持佢哋用遊行示威嚟作出伸訴！西風個人表示只認同一半：伸訴為目的；唔認同另一半：暴亂手法！朋友唔明，仲想幫示威學生群解釋。西風向朋友舉例：假設有人對你不滿，喺唔喺可以去你屋企叫囂爆粗，然後用武力衝入去後大肆破壞，甚至見人就打。【如果喺你得唔得先】？到時你仲表示支持破壞你屋企嘅暴徒我就話你叻！朋友即時air都冇得air！

西風繼續表示自己好膚淺嘅見解，再舉第二個例：假如有一班人對某銀行不滿，極其量可以去銀行總部門口嗌口號，一旦失控衝入銀行破壞，咁就觸犯刑事；無論罪成與否，暴徒嘅罪名就已經走唔甩！何況而家一班示威者妄顧法治，衝入政府物業肆意破壞嚟發洩。西風成日喺度稔，如果英美俄呢三個大國政府會點樣處理呢班暴徒！會唔會買佢哋怕作出讓步，抑或用警力以暴易暴？假使警力力量唔夠，又會唔會用軍力去肅清暴亂？

示威學生群血氣方剛，缺乏冷靜，比人煽動同誘惑做出暴亂行為仲感到好英雄！殊不知受咗利用做咗馬前卒，然後變炮灰，所謂【精人出口，笨人出手】，咁簡單嘅道理都稔唔明睇唔通，香港嘅未來交比佢哋，【如果喺你得唔得先】？西風就覺得好牙烟肋！