點首歌比你聽2

今日推介呢首[中文經典金曲]，喺已故奇才黃霑先生手筆嘅[忘盡心中情]！道家名言：[太上忘情]！其實據西風了觧呢個[盡]字喺因各人嘅承受力唔同而出現差別，所以，呢個[盡]字喺可以被解構成個人嘅極限。由於人人唔同，就衍生出層次有高低而結局則強差人意！至於呢個[忘]字並唔喺得一個解釋忘記，原來呢個字用喺古代意思等同[無]字，即喺冇咗心中情，即喺無情。

呢首歌哀怨纏綿，忘盡心中情在前，遺下愛與痴在後！既想將情忘盡，無奈痴心仍在。可見得愛痴尚存，又點稱得上忘盡？雖然出發點想忘想盡，偏偏有遺，算得上揮之不去，卻又唔想一再回憶，無力感油然而生，滲透力之強，令人對成首歌詞能夠撼動人心唔會再抱有懷疑。

古人話：愛之欲其生，惡之欲其死！不論喺男歡女愛，抑或上司下屬，抑或父母子女，抑或長輩晚輩，抑或前輩後輩，抑或官風民意，抑或商家顧客，都離唔開甚至喺犯咗上述兩句嘅毛病，追根究底就在於[愛]同[惡]。由於愛，可以包容對方，可以為對方一切嘅罪過錯解釋，可以將對方嘅缺點睇成優點，可以將囉嗦睇成關心。反之，由於惡，就唔可以包容，唔代為解釋，將優點睇成缺點，將關心睇成囉嗦！

因愛生恨，佳偶成怨偶，恩情變仇恨，雖然唔喺百份百，但佔有率嘅比例大得驚人。只喺幾多人真嘅徹底清醒，能夠做到[得失唯我事]？世間所謂嘅恩怨情仇，無非企喺自己嘅立場從而形成對立，將對方嘅好同優點無限縮細，甚至視若無睹！與此同時，將對方嘅壞同缺點無限放大，甚至公之於世！咁嘅損人利己手法，好似萬無一失，從未稔過他朝世界輪流轉，自己成為損人利己手法底下嘅受害者。

放眼近年官民失衡，有幾多人能夠細究成因，打破僵局？一面積弱無能，另一面強暴如匪，每次都攪到不歡而散。幾時真正能夠為咗香港嘅長治久安放下成見，[忘盡心中私情私意]，彼此包容，做到星爺所講[坐低，飲杯茶，食個飽]，然後平心靜氣，作出妥協。咁樣就你好，我好，大家好，香港好，國家好就好la！！