點首歌比你聽3

所謂：[俠之大者，為國為民]！今日西風想推介嘅[中文經典金曲]，仍然喺黃霑先生筆下嘅[近代豪俠傳]！英雄好漢，胸懷大義，五湖七海裡，俠客多君子..... 據西風愚見：俠字喺由[夾人]兩個字組合而成，見字思義，就喺有你有我，雖然或會意見唔啱，亦都尊重對方所表達嘅睇法，同個別嘅立場，兩方既可以針鋒相對，又可以取長補短。

一個真正有超越人哋嘅胸襟，必定喺好似大海一樣無量無邊，同時能夠包容接納唔同嘅聲音。何況路見不平，拔刀相助嘅俠義之士？處江湖之遠，任風流之名，行道義之擧，助國家之運，解民生之苦，秉中立之地，説公道之言，履純民之責，持君子之劍，拒殺戮之暴。以上種種，發乎內心，特立獨行，逍遙是非之外，感動民心，拋開私見，和衷共濟。

國之於家嚟講喺負責管理，家之於國而言喺負責監察，兩者對立卻又相輔相承。好比政府政策，需要思之又思慎之又慎，以唔擾民為原則，以利民為大前提，所以需要徵求民意，繼而審定可行性。民眾對政策要知個中成立原因，或者目前對自己有所不便不利，但如果對子孫後代有利，喺好應該再三考慮，同政府不斷磋商？萬萬唔可以只因為對自己不利，又或者唔明白立法嘅初衷，就一面倒反對，將局面僵化，對香港嘅長治久安制造不利原素，就得不償失la！

世間喺相對論嘅原則下運行呢個地球，人際處於差異嘅範疇下妥協某啲原則。縱使東西對壘分明，只不過喺各領風騷，並冇可能永遠話晒事！例如官有清官貪官，民有良民暴民，我哋唔可以執抝衰嘅一面去否定好嘅一面。當然，含蓄並收異同兼納，要有豪邁心豁達情至得。更何況俠義重在夾人，比雙方有喘息機會，有磋商餘地，先至可以由近傳遠，由現在傳未來，由中傳外，將君子之風行於一身，君子之德感格萬邦，君子之光照耀全球，就要由[專人]先至可以傳承la！你話喺唔喺？